رساله وتحيه الى كل الاعضاء

[hoka]

اولا انت منور المنتدى واهلا بيك وسط اخواتك واهلك
اما بالنسبه لموضوع الصيد فبص يا سيدى
اولا البندقيه: معظم البنادق القويه اوى غاليه اوى اوى فى حدود 4 الى 7 الاف جنيه
لكن اطمن
فيه بنادق قويه بردو ومداها بعيد الى حد ما وفى حدود 800 الى 3000 جنيه
طبعا اللى يقدر ينصحك ببندقيه منهم بما انك مبتدئ مش انا ........... الاستاذ جلال او اى حد من الناس الكبار فى المنتدى
اما بالنسبه لمسدس الرش
فمفيش مسدسات قويه فى مصر
والقوه بتتقاس بسرعه الرشه لنمره 1 او نمره 2
والقوه بتبقى من فوق 200 متر/ث
نيجى للتراخيص
فمفيش تراخيص لبنادق الرش خالص يعنى تنزل المحل وتشترى وتضرب على طول
اما الاماكن اللى بنصطاد فيها
فنصيحه
اتدرب كويس الاول فى بيتكو او فى السطح وبعدين انزل مع حد خبير فى حته كويسه
علشان يعلمك اداب الصيد وفنونه وازاى تتجنب الاصابات وكلام الناس طبعا
:d
اما تتعلم ازاى اصلا
فده بقى للناس الكبيره فى المنتدى وش
انا اه بعرف اصطاد وكده بس هناك فرق بين اللى بيصطاد واللى بيعلم الصيد
وبس
وان شاء الله تلاقى الموضوع سهل وجميل وممتع جدااااااااااااااااااااا
ولو ع البنادق بردو الناس هنا هايساعدوك
وانتظر ردودو الاعضاء الاكبر منى قريبا
سلام عليكم

[الجوكر]

المشاركة الأصلية كتبت بواسطة hoka

علشان يعلمك اداب الصيد وفنونه وازاى تتجنب الاصابات وكلام الناس طبعا
:d

سلام عليكم

ممكن تقولى تقصد ايه انك تتجنب كلام الناس

[Youssef]

المشاركة الأصلية كتبت بواسطة الجوكر

ممكن تقولى تقصد ايه انك تتجنب كلام الناس

أعتقد الدكتور محمود يقصد ان ساعات بتضطرك الظروف انك تصطاد فى اماكن ريفيه بتبقى مأهوله بالسكان فمتجيش مثلاً تلاقى طير واقف فوق سطح بيت واصحابه قاعدين أمام البيت وتضرب المفروض بيبقى فيه شويه حظر وسياسه فى التعامل مع الناس فى المناطق السكنيه ولا مانع من اشاعة جو من الألفه علشان محدش يقولك كلمه مش كويسه.
علشان كده يفضل فعلاً ان الصياد المبتدئ يخرج فى رحلاته الأولى مع صياد قديم لإكتساب مهارات التعامل مع الناس قبل السلاح.