خيانة وائل غنيم و6 ابريل لمصر ادخل وانت تحكم

[Compact]

المشاركة الأصلية كتبت بواسطة mcflono

تصحيح الترجمة


الموضوع هو انهم غامضون بالنسبة لي
أنا لا أريد رؤية الجيش يتفكك
لا أريد أن أراهم واقعين في مشاكل

لكن في نفس الوقت أريد أن أراهم يتعاملون بشفافية
أريد أن أراهم يعترفو بأخطائهم

أريد أن أقنع الناس أنهم يمكن أن يخطئوا
يجب أن ننسى هذا كله

فالناس في مصر تعودت على أن مبارك كان لا يمكن أن يخطئ طوال ثلاثين سنة من حكمه... طبعا هذا بسبب كلام الجرائد والصحفيين التابعين له

ثقافة الاعتراف بالخطأ مهمة جدا
وهي الشيء الوحيد الذي اتمنى أن يراه كل الناس
أن دائما يكون هناك أخطاء .... من منا لا يخطئ

أنا لا أريد أن أرى الجيش في الزاوية وتوجه الضربات إلى وجهة ونتصارع معه... لان هذا يضعفهم

فمن منا لا يعرف الجيش بافضل ما فيه

لانهم الخط الاخير للثورة

لكن لا يعني هذا ان نقبل أي شئ يفعلون... يجب أن يكون مسئولين عن أفعالهم

لانهم رضو بمسئولية حكم البلاد في هذا الفترة

أنا أحد المتفائلين بنواياهم وانهم فعلا يقولون ما يؤمنون به وانهم سيسلمون السلطة

كلامك مضبوط 100% ... بس


دى ثقافة 50 سنة من عدم الاعتراف بالخطأ من الناس كلها

ثقافة ان مفيش مدير فى شركة بيغلط و بيعترف بخطئه عشان اللى بيشتغل تحتيه يعترف بخطأه , و بالتالى اللى حاكمنا يعترف بخطئه لما ييجى يخطأ , ما هى ثقافة عامة ...

لازم نبتدى بنفسنا عشان نغير ثقافات كتير تم اكتسابها بسبب اسلوب الحياه اللى فات

نغير من نفسنا الاول قبل مانلوم اللى بيحكم ايا كان مين اللى بيحكم

هو احنا عايزين ملائكة تحكمنا و احنا كده ازاى !!

اللى حاييجى مش ملاك و مش حيقدر يبقى اوحش من اللى قبله حتى لو عايز مش حيعرف

اللى جاى يبقى مدنى , رجل دينى , رجل عسكرى ... المهم الشعب ايه و تصرفاته ايه و طباعه ايه ... وهو ده اللى بيخلق سياسات التعامل مع الشعب ... زى مثلا الطريقة اللى بتطلع بيها رخصة العربية ليه تعدى على كذا طابور لما ممكن يبقى هوا طابور واحد او مفيش طابور اصلا و كده كده كله بالكومبيوتر ... لو الناس اتفقت كلها على ان ده غلط , حيتغير , مش فى يوم و ليلة اه بس حيتغير , بس خللى بالك ان كده فى موظفين حكومة كتير مش حيبقى ليهم شغل تقريبا و مش حيعرفوا يمشوهم .... ما هى اصلا منظومة غلط بسبب القوانين و اللوائح اللى بيعملها استرتيجيات التعامل مع الشعب ( يتعبك فى ايه و يريحك قوى فى ايه ) ... ما هو الناس بتشترى سجائر فى مصر بربع تمنها فى المانيا مثلا ... و الشوكولاته ارخص برضوا من المانيا ... وعندك عربيات فول و ألمانيا مفهاش عربيات فول ... ما هى الحكومة مريحانا اهى و بتدينا الحاجة و رخيصة كمان ... الله ... و لا يشيلوا الدعم من على بنزين 95 عشان الناس الاغنياء متعرفش توفر ... و يدوهم الارض بملاليم عشان هما فلوسهم على قدهم و بيشتروا مساحة كبيرة ... و تيجى انت عايز تتجوز تلاقى نفسك محتاج فلوس كتييييييير عشان تشترى شقة بأسمك و انته اللى فلوسك على قدك مش هما ... انها منظومة الضياع ايا كان مين اللى بيحكم من اول محمد نجيب لحد ما الكون ينتهى

لو هتلر اللى حيحكم بس بالعدل بين الناس و ينسف الاستراتيجيات القديمة كلها ... يا راجل ده النظام المعمول بيه داخل اروقة و ارشيف و النظام الورقى فى العمل و نظام الميزانية بتاع مجلس الشعب محطوط من ايام نوبار باشا يعنى سنة 1800 و شويه ... صباح الفل

المهم ... اخلاقنا و تصرفاتنا و عاداتنا و تقاليدنا هى اللى حترفعنا لفوق و هى اللى حتنزلنا لتحت ( ولو ان مفيش تحت اكتر من كده )

الشعب اقوى من اى حاكم فى اى دولة و ده أ ب سياسة

و ياريت كل واحد يبتدى بنفسه و ميسكتش على الغلط و ميصلحش الغلط بغلط اكبر

ياريت نبتدى بنفسنا و صاحب الحق صوته دائما قوى و واصل

و آسف جدا على الاطالة