رسالة إلى الاخ commando

[kefafy]

المشاركة الأصلية كتبت بواسطة mcflono

أخي العزيز...

أولا أنا حابب أوضح سبب كتابتي للموضوع.....

الاخ كوماندو كان مالي المنتدى مواضيع كلها كذب وافتراء على ناس كتير وعمل يشتم في التوار عمل على بطال....

واخرها كان فيديو لوائل غنيم من مؤتمر في أمريكا وكانت الترجمة خاطئة وعكس الكلام اللي كان بيتقال.... يعني كان بيصور للناس اللي مالهاش في اللغة الانجليزية إن الثوار كلهم خونة وانهم عاوزين يوقعو الجيش مع أن ده غير صحيح....

يعني باختصار الاخ كوماندو مبيكتبش أراء ... إنما ينشر أكاذيب واتهامات....

أنا بحترم حضرتك لانك بترد غيبة شخص مش موجود.....

لان ده برضو هو السبب الي خلاني اكتب الموضوع

واخيرا أحب أقول أن من حق أي عضو يقول رأية حتى لو كان عضو جديد أو غير نشيط أوعمره مدخل ولا عمل اى موضوع مجزى او اتعلمنا منه حاجة... ولا إيه رأى حضرتك

مبدايا وقبل متكلم
من اسلوب حضرتك ورقيك فى الكلام يتضح ان حضرتك انسان محترم وده يخلينى اشكر حضرتك جدا على اسلوبك الفائق الاحترام وتفهمك فى رد الغيب
ومن حق حضرتك طبعا انك تقول رايك حتى ولو مش عضو نشيط بظبط زى منا رديت غيبه الاستاذ كوماند وانا اقسمت انى معرفوش يعنى نفس المبدا بردو
علشان كدة انا محدد كلام حضرتك بالبونط العريض
والله يفندم انا زى حضرتك بظبط اكره تمام الكره مبدا التعميييييييييييم
انى اعمم حاجة ده شىء غير مقبول
انا شوفت الفيديو والهبل بتاع الترجمه ده علما انى بكره الشخصيه الى كانت فى الفيديو
وانا زى حضرتك بظبط لما بلاقى شخص بردو بعمم ان كل المجلس العسكرى او الشرطه عملا وخونه انا بتكلم
زى مقال ابو سيف مش اى حد يختلف عن رايك يبقا خاين وانا متفق معاه واكيد حضرتك بردو
الثوار اكن لهم كل احترام وتقدير ودم الشهداء لن انساه وهيفضل دين فى رقبتى ورقبه كل مصرى
وكذلك المجلس العسكرى بردو اكن لهم كل احترام وتقدير
وكذلك الشرطة بعد التغيير الواضح للجميع بردو اكن لهم كل احترام وتقدير
ومبدا انى اعمم واخون الثوار او المجلس او الشرطة بالنسبه لى مبدا مرفوض وهدافع عنه بكل ادب واحترام
واعتذر لحضرتك لو فهمت اى حاجه تخص حضرتك بسؤ ابدا يفندم والله
انا الى قصدته شخص هو عارف نفسه كويس قوى ونفسى اقول اسمه بس المشكله انى مبعرفش ابدا بالغلط
وربنا يهديه
وتحت امر حضرتك يفندم فى المنتدى وبرة المنتدى كمان وفرصه سعيده جدا وارجو انى اكون عرفت اوصل وجه نظرى بوضوح