لو كنت من خارج القاهرة

[saskon]

أخى صاحب الموضوع أولا لك الشكر على سرد ما حدث فى هذا اليوم العصيب لك للافادة للاعضاء كلهم ولكن اسمحلى انت غلطت فى كذا حاجة:
1- كان لازم تتأكد ليلة ما هتنزل ان المسدس موجود والمحل فاتح وتعرف توقيت الفتح والاغلاق للمحل
2- لازم تأكد قبل ماتنزل من بيتك ان المحل فاتح وكمان ان المسدس اللى عايزه موجود وتأكد انك جاى تاخده وانك جاى من سفر علشان مايكونش عنده قطعة ولا قطعتين فيبيعهم قبل ماتيجى.
3- المشاوير الطويلة اللى زى دى لازم تكون فى القاهرة بدرى يعنى الساعة 11 ولا 12 الظهر علشان تبقى مالك اليوم فى ايدك
4- لما تبقى نازل مشوار طويل زى ده لازم تخلص حاجتك الاول وبعدين تروح تتغدى براحتك او تعمل اى مشاوير تانية
5-لازم يبقى فيه بدايل يعنى مينفعش تنزل على محل واحد فقط افترض ان البضاعة معجبتكش او ان السعر اتغير او ان النوع اللى انت عايزه خلص او ان لظروف قهرية المحل قفل؟!
وفى النهاية كت عايز اسألك سؤال هل البنزين اللى انت صرفته رايح جاى والمجهود اللى بذلته واللى هتكرره تانى فى السفر يستاهل فرق سعر المسدس بين اى محل عندكم فى بورسعيد وبين الفاهرة؟ يعنى هل اسعار المسدسات عندكم فى بورسعيد غالية كده؟