الجداول الخاصه بالاسلحه الناريه

[Compact]

مذكور فى القانون محدث صوت , و مسدسات البلى دى مسمهاش محدث صوت لان ماسورتها مفتوحة و بتضرب مقذوف .. محدث الصوت يعنى مسدس صوت ماسورته مقفولة (يحدث صوت فقط) وعشان كده المحلات الكبيرة زى شريف ابو ضيف وغيره كتير عنده كل المسدسات ماسورة مقفولة حتى الايكول مع انه من مصلحته طبعا يبيعه مفتوح .

*القانون الواقعى : (اللى بيحصل ساعة الجد)
- الماسورة:فتح الماسورة لو بان فى المعمل الجنائى انه مش من المصدر ... يبقى تعديل سلاح نارى اللى هوا اصلا مش محدث صوت ودى قضية لوحدها.
- طلقة الخرز (النارية): ممنوعة قانونا لانها طلقة صوت نارية و بها مقذوف بالامام و ممنوعة قانونا مع ان البارود اللى فيها ميجيش جرام على بعضه.
- طلقة الخرز (الرش): غير ممنوعة قانونا لانها ليست طلقة نارية

حمل المسدس بشكل ظاهرى يبقى انتحال صفة ضابط , او ترويع الناس وده مجرم قانونا.
مسدس الصوت اللى بيضرب بلى بيتكتب فى المحضر سلاح نارى غير مششخن ,أو سلاح نارى معدل و غير مششخن ... وفى الحالتين قضية.

كل ده ممكن ميحصلش خالص لو مفيش اى تعسف من الضابط المسؤول

انما لو عايزين نطبق القانون صح يبقى ازاى مثلا مسدس زى البرونى جاب مداه المؤثر يوصل ل 50 متر زى الحلوان51 و نقول مش سلاح !!!

ظروف البلد هى اللى حكمت على الناس تدور على وسيلة دفاع مناسبة بعد ما الحلوان اتحطله صفر زيادة على اليمين , ولا الناس اللى عايشة فى العبور و 6 اكتوبر و المناطق اللى زى دى حيعيشوا ازاى و يتحركوا ازاى و السرقة بالاكراه بقت فى الاماكن الكثيفة السكان زى الميه و الهواء.

المسدسات دى غير قانونية , بس متجيش تعجزنى عن حماية نفسى كمواطن معهوش اى مبرر لترخيص سلاح و تحاسبنى انى بتحايل على القانون عشان انا اصلا مواطن محترم ,عشان انا لو مش محترم بدل ما اروح اجيب برونى جاب صوت ممكن بتمنه اى مسدس عيار 7.65 شمال بنفس التمن او اجيب فرد خرطوش بنص التمن ...

و بم ان القانون المصرى بيتعامل مع المصريين اللى هما ملوك تعديل السلاح بالغريزة يبقى لازم يتطور شوية عن ما هو عليه الان , لان الشعب فعلا بيخلق حلول ابداعية من اى حاجة و بالغريزة الربانية