تنبيه لاخوانى وحبايبى الاعضاء هام جدا جدا

[Atb]

اولا : احب اشكر صاحب الموضوع والراجل فعلا يستاهل كل خير وجزاه الله خيرا والراجل بينصحنا مهما كان هوا ايه بقا قاضى ظابط وكيل نيابه يعنى المفروض نسمع الكلام ونشكره ... وفعلا انا بشكرك على النصيحه .

ثانيا : ودا الاهم ... فى فكره كده فى دماغى نظرا لان البلد حاليا بتلوش وخصوصا الشرطه وقيامهم بحملات لنزع السلاح من الشعب ... سواء ناس عاديين او بلطجيه او حراميه الخ الخ الخ

بصوا يا جماعه ان لقيت ان الحل موجود فى فكره واحده بس

انك تمشى بالطبنجه مفتوحه وتشيل منها الطبه وتخليها فى جيبك ( كده تبقا مفتوحه من المصدر وغير مثقله ) يعنى مش مجرمه .. يبقا انت كده فلت .

وبعد ما تحط الطبه فى جيبك تقوم فاكك كمان الطلق البلى من الخزنه وحاطوا هوا كمان فى جيبك ومخبيه ... يبقا كده انت فى السليم

تمام كده ....؟؟؟؟؟

وبعدين بقا انت ماشى اهو طلعلك واحد بلطجى ولا حرامى ..... ؟؟؟؟

هتقوم قايله ثوانى وتطلع الطبه مركبها وتساله معاه النكيه يا برنس او مفك عاده ؟؟؟؟

وبعد ما تركبها تقوم مطلع الطلق البلى اللى انت حطيته فى جيبك وتسأله انت عايز تموت بكام طلقه وتقوم مركبلك كام طلقه كده وبعديها تشد الاجزاء ان لحقت اصلا تشدها ( نسيت صحيح : ياريت قبل ده كله تكون اتشاهدت على روحت عشان هتكون اتخرمت طلق من البلطجى واللى معاه )


وفى النهايه نحب نشكر جهاز الشرطه الحامى للوطن وفعلا الشرطه فى خدمة الشعب

وحسبى الله ونعم الوكيل

طب نعمل ايه طيب عشان نحمى نفسنا مش يلموا الاول السلاح اللى اتسرق منهم وبعد كده يجرموا الصوت والزفت

بجد الواحد قرف وحسبى الله ونعم الوكيل تانى