اقتراح...ارجو الاهتمام

[devilgrand]

بس يكون الاجتماع في مكان محدد وثابت وميعاد ثابت مش بالتنسيق ما بينهم وبس يعني يكون موعد ومكان الاجتماع معممين للكل واللي عنده مشكله او استفسار عن حاجه يروح الاجتماع ودي بردو هتبقى فرصه عظيمه للكل علشان المعرفه تزيد اكتر والمعلومات والاستفسارات يتجاوب عليها من اكتر من واحد من كبار المنتدى
انا اؤيد الفكره تماما

[dr_mohasan]

إقتراح جميل منّك يا كريم

أنا أقترح أن يكون الإجتماع فى نفس المكان بجوار المحل بتاع محمود شلبى , وليكن يوم خميس

مميزات المكان :

- يبعد 50 متر عن محطة مترو الأنفاق (مارجرجس) يعنى الوصول اليه سهل
- المكان شعبى و جميل وواسع والجلوس فيه ممتع فعلاً والقهوة اللى قعدنا عليها جنب المحل على طول
- كثير من الصيّادين بيكونوا متواجدين إما للصيانة أو الشراء من المحل , يعنى ممكن تقابل ناس أكثر من اللى متوقعهم
- محمود بيكون موجود و بيشتغل فى أى بندقية عنده , يعنى ممكن كمان ناخد درس مجانى فى صيانة أى بندقية (ده حصل المرة اللى فاتت)
- هيبقى سهل إن اى حد عايز يعمل صيانة أو تشحيم لبندقيته ممكن ياخدها معاه بالمرة
- السبب الأخير ... أنا شخصيّا بحب أقعد عنده لأنى أعرفه من زمان وهو كان من الناس اللى ساعدونى فى بداية الهواية و مش هايبخل على أى حد بنصيحة أو خبرة

خالص تحيّاتى