طلعه حمام بالملايين منغير بنزيين

[Andria]

27/1/2012 يوم الجمعه
خرجنا كالعاده عشان كلنا كنا عطشانين صيد بقلنا اسبوعين من غيرطلعات خالص , و طبعا كنا خايفين من الوضع الامني و لكن لما فكرنا كويس و لقينا ان احنا مش بنعمل حاجه غلط و لا بنصطاد و سط مباني سكتيه قررنا النزول.
طبعا اسم الموضوع غريب بس انا هشرح ليه اسمه كده , عشان دائما بنقعد نلف بالعربيات لساعات طويله جدا عشان نلاقي الحمام بس لما لقيناه ركنا العربيات و لبدنا.
الصيادين كانو
1- شريف الطرابيشي
2- عصام عاصم
3- امير سعد
4- اندريا جمال
المهم اتجهنا لمدينه بدر الساعه 7 صباحا و لفينا بالعربيات لغايه الساعه 11 و الحصيله كانت حوالي 6 يمامات بس و لكن بعد الذهاب الي مصنع فراخ بجانب العاشر عنده كميات كبيره جدا من الحمام و اتخزنا وضع الصيد و اتبعنا اسلوب الخيالات مع استخدام الخيالات الصناعيه و الطبيعيه و بعد رس الخيالات مع معرفف اتجاه الريح و اتجاه الشمس و الوضعيه المدروسه كانت المعركه.
بفضل ضربات الصيادين الكبار تمكنا من صيد اكثر من 120 فرد حمام و حوالي 30 فرد يمام و انا بعتبر ده رقم قياسي جديد لصيد الحمام في طلعه واحده.
بجد احب ان اقول ان المجهود في التحضير و الدراسه لطبيعه الحمام و الطريده بتخليك قادر علي فهم مواعيد الاكل و مكان الصيد و احسن طريقه للصيد و احسن وقت.
و كمان مش هنسي اقول ان الصيادين الكبار الي كانو معايا سعدوني علي الصيد الجميل و تعلم الصبر نسيت اقول ان كل الحصيله دي كانت في حوالي 4 سعات بس يعني حوالي فرد كل دقيقه و نصف مدبحه بكل المقايس بس في الخير.
اسيبكم مع الصور.