اناشد الاخوة الاعضاء

[s.elrefaey]

يا جماعه الامور كلها واضحه
الموضوع ما لهوش علاقه لا بجمهور بور سعيد و لا بجمهور الاهلي
دي مؤامره واضحة الاركان.مؤامره على مصر و شعبها كله
مؤامره على الثوره
و كلنا عارفين مين هما المدبرين
يا جماعه ناس بور سعيد مش بالوحشيه اللي احنا شوفناها امبارح
مهما كانوا متعصبين للنادي المصري مش ممكن تكون دي نتيجة التعصب الكروي
و بعدين مش ممكن حتى لو متعصب و فريقي غالب و غالب مين بطل الدوري و كمان غالبه بنتيجه كبيره
يبقى ايه الداعي لكل اللي حصل امبارح.
هما كانوا متوقعين فوز الاهلي علشان كده دخلوا البلطجيه في وسط جمهور النادي المصري
علشان الموضوع يبان على انه شغب مشجعين لكن هزيمة الاهلي كشفتهم
لان ما كنش فيه أي مبرر لنزول جماهير فريق كسبان للملعب و ضرب لاعبين الفريق الخصم
وطبعا اللي شوفناه كلنا امبارح مالهوش اي علاقه بالتشجيع و التعصب دي كانت مجزره
و على رأي كابتن طاهر ابو زيد في فرق بين التعصب و البلطجه.
اما بالنسبه لرجالة بورسعيد فلهم منا كل احترام و تقدير
الرجاله اللي اول م المستشفى طلبت دم وقفوا طوابير قدامها علشان ينقذوا اخوانهم المصابين
اسف اني طولت عليكم و شكرا لصاحب الموضوع