ضبط محل بمصر الجديدة يقوم بتحويل أسلحة الصوت إلى نارية

[Compact]

فيه تعليق من المسؤول الاعلامى بوزارة الداخلية عن المسدسات اللى بتضرب بلى , و بيقول انها اسنخدمت ضد الشرطة اليومين اللى فاتوا و ادت الى كسر عظام المصابين بالبلى

دى رسالة غير مباشرة لتوجه اجهزة البحث و التحرى فى ذلك الموضوع و بالمرة سن قوانين جديدة و احتمال تبقى فورية

واضح ان فعلا الكلام اللى وصلنى صح , ان حتى الطبنجات الشمال بقت قليلة جدا و الموجود معظمه بنادق آلى

وده يخلى ان الفرد الخرطوش و البلى هما البديل الطبيعى و هما دول الاسلحة اللى المسؤول الاعلامى بوزارة الداخلية قال انها استخدمت ضدهم و لديهم مصابين بسبب هذه الاسلحة

فى ناس محترمين كتير معهاش 5000 جنيه تجيب حلوان و اضطرت تجيب مسدس صوت بيضرب صوت و بلى ,
و فى ناس محترمين تانيين معاهم فلوس يجيبوا احسن طبنجة بس بيحبوا يمشوا قانونى ولذلك تحايلوا على القانون بمسدسات البلى عشان نفسيا ميحسوش انه ضد القانون.

وجهة نظرى الشخصية : ده ضعف من وزارة الداخلية لعدم قدرتها على منع انتشار السلاح الحى الشمال قبل ما تبص على البلى اللى الناس عملته لمواجهة الآلى فى السرقة بالاكراه و السطو المسلح.

لك الله يا مصر