إلى حزب الكنبة

[saskon]

أنا بس ليا سؤال هوا فى حد يطالب بعمل اضراب وعصيان يوم أجازة ؟؟؟!!! يوم السبت ده أجازة فى غالبية الشركات والمصانع وكده كده سواء حزب كنبة أو أشاوس مش هيروحوا الشغل. ولا اللى دعوا للاضراب ده خايفين ينكشف حجمهم الحقيقى بعدم الاستجابة لمطلبهم اذا دعوا للاضراب فى ايام العمل الطبيعية من الأحد للخميس ؟!

[ahmed6394]

المشاركة الأصلية كتبت بواسطة saskon

أنا بس ليا سؤال هوا فى حد يطالب بعمل اضراب وعصيان يوم أجازة ؟؟؟!!! يوم السبت ده أجازة فى غالبية الشركات والمصانع وكده كده سواء حزب كنبة أو أشاوس مش هيروحوا الشغل. ولا اللى دعوا للاضراب ده خايفين ينكشف حجمهم الحقيقى بعدم الاستجابة لمطلبهم اذا دعوا للاضراب فى ايام العمل الطبيعية من الأحد للخميس ؟!

الله على الذكاء لأ بجد ذكاء خارق علشان ده يوم التنحى يا خفيف

[saskon]

المشاركة الأصلية كتبت بواسطة ahmed6394

الله على الذكاء لأ بجد ذكاء خارق علشان ده يوم التنحى يا خفيف

طيب يا تقيل هوا ذكرى يوم التنحى ايه علاقته بالدعوة لاضراب ده يوم احتفال بتخلص مصر من طاغية ويوم نجاح للثورة يعنى يوم لبناء مصر مش يوم لهدمها يعنى كان ممكن يكون يوم لتظاهرات لاستكمال والتأكيد على مطالب الثورة مش يوم لعصيان مدنى واحداث شلل فى مرافق الدولة. يا ترى مين اللى ذكاؤه خارق.

[ahmed6394]

المشاركة الأصلية كتبت بواسطة saskon

طيب يا تقيل هوا ذكرى يوم التنحى ايه علاقته بالدعوة لاضراب ده يوم احتفال بتخلص مصر من طاغية ويوم نجاح للثورة يعنى يوم لبناء مصر مش يوم لهدمها يعنى كان ممكن يكون يوم لتظاهرات لاستكمال والتأكيد على مطالب الثورة مش يوم لعصيان مدنى واحداث شلل فى مرافق الدولة. يا ترى مين اللى ذكاؤه خارق.

أولاً انا عايز دليل واحد على نجاح الثورة
ثانياً لتكون ذكرى سقوط حسنى ايضاً ذكرى سقوط اخاه

[saskon]

المشاركة الأصلية كتبت بواسطة ahmed6394

أولاً انا عايز دليل واحد على نجاح الثورة
ثانياً لتكون ذكرى سقوط حسنى ايضاً ذكرى سقوط اخاه

محدش قال ان الثورة نجحت بنسبة 100% بس فى خطوات حصلت زى مجلسى شعب وشورى منتخبين والدعوة لاجراء انتخابات رئاسية فى 10 مارس وجدول زمنى لتسليم السلطة وجدول زمنى لعمل دستور.
الحاجة اللى ناقصة هى انتهاء المحاكمات.

المهم كل ده كويس ولازم يبقى فيه ضغط لاستكمال المطالب والتظاهرات بتعمل ضغط كويس جدا وبعد كل تظاهرة كبيرة المجلس العسكرى بيحقق بعض المطالب بس ده ملوش دعوة بعصيان مدنى واحداث شلل فى الدولة ووقف الانتاج والخدمات كدة يبقى ضغط على الشعب مش على المجلس كمان انا معرفش انت بتشتغل ولا لسة طالب احنا عندنا فى الشغل واحنا شركة عالمية فى مجال الكهرباء وقد اخذت الشركة القرارات التالية منذ بدأ الثورة:
1- اغلاق احد المصانع التابعة لنا فى العاشر
2- اغلاق خطين انتاج فى مصنع أخر
3- وقف الاستثمارات نهائيا
4- وقف صرف الأرباح للعاملين عن عام 2011
5- وقف الزيادة السنوية للعاملين
6- فصل كل العمالة اليومية وتقليص محدود العمالة الدائمة عن طريق المعاش المبكر والفصل
7- تحقيق خسائر لأول مرة فى تاريخ الشركة فى مصر

كل ما هو عاليه يمكن تحمله لشهور او لعام ولكن اذا استمر الموقف سيتم الاغلاق الكامل لأن ده رأس مال أجنبى وإدارة أجنبية وبالتالى تشريد ألاف الفنيين والمحاسبين والمهندسين . هل ده المطلوب ؟؟؟!!!

يا أخى محدش ضد الثورة ولا التظاهرات ولا الضغط على المجلس العسكرى بس احنا ضد تدمير البلد وتشريد الناس و ان يأتى شهر يجد رب الأسرة نفسه لا يستطيع الانفاق على اسرته. يبقى نتظاهر ونضغط لكن منضربش ونوقف حال البلد