ديانا 54 airking

[steyr68]

عزيزيى الصياد السورى ياترى اشتريت الاير كينج ولا لسة انا لو تعرف عندى الديانا 52 وهى نفس التصميم
تقريبا ما عدا ان الاير كينج فيها الوحدة الماصة للروكويل من خلال تعاملى مع الموديل دة هقولك على بعض الملاحظات يا رب تكون مفيدة ليك وتساعدك انك تحافظ على البندقية لو نويت تشتريها اهم شيء هو فى عيب بسيط بالنسبة للتصميم
وهو طريقة فك السليندر انا هرفق صورة توضح قصدى لانى المشكلة دى حصلت معايا فى بندقيتى وكانت ازمة
فى حلها رغم انة كان خطا منى من الاول والخطا ادى للمشكلة وهى ان السيليندر مربوط فى شدادة زراع التعمير
بواسطة مسمار الانكية غاطس المشكلة حصلت نتيجة انى كنت رابطة لاخرة النتيجة تقريبا زرة رايش من بقايا
الرصاص سقطت داخل ثنايا القلاووظ اللى فوق المسمار غريبة انها تحصل وتيجى كمان على اول سن فوق المسمار وانا مش واخد بالى والغريبة اكتر انها ثبتت مكانها ولاما جيت افك المسمار كانت المشكلة المسمار وقف عن الدوران
وكانت المشكلة بدون اطالة ان فك السيليندر مهم لانك مش ممكن تغير الجلبة الا لما تفكة والا هتعانى بشدة علشان
فى تركيبها بدون فك السيليندر الحل انك ما تقعش فى غلطتى وهى انك تترك المسمار قبل نهايتة بحوالى لفتين او ثلاثة على الاكثر للاحتياط ثانى شئ وهى انك تحافظ على جزء موجود داخل السيليندر والله تاثيرة هائل على قوة وحال البندقية
وهى جوان معدنى مبطن بيمنع تسرب الهواء من حول الماسورة انا عموما هسيب الصور تكون اوضح من الكلام

[syrian_hunter]

شكرا أخي العزيز على النصيحة الغالية , الحمدلله صاحب البندقية مصلح بنادق بنفس الوقت وإنشالله بيساعدني في الصيانة وفي حاجة تانية أنو في قطعة بلاستيكية في البندقية أظنها تثبت النابض تم تغييرها بقطعة معدنية لكي تكون أكثر متانة .