عاوز ترجع 15 سنه وتفتكر اول موبايل اشتريته اتفضل

[kefafy]

المشاركة الأصلية كتبت بواسطة adel152

احمد باشا كفافى بعد التحية.
دائما بتفكر فى مواضيع ممتازة بترجعلنا أحلى الذكريات.
فكرتنى بأول تليفون محمول أشتريته من 18 سنة. ساعتها كنت مقيم فى بلد جميل أسمها Swansea فى ويلز المملكة المتحدة ووقتها ماكنش اسمه Mobile Phone ولكن كان يسمى Cell Phone.
أشتريت التليفون سنة 1994 وكان ماركته Sony CM-H333 وكانت الشركة الوحيدة فى بريطانيا فى هذا الوقت بريتيش تيليكوم BT وكان سعره فى هذا الوقت 400 جنيه استرلينى + تعاقد لمدة سنة مع الشركة بمبلغ 25 جنيه أسترلينى فى الشهر + تكلفة المكالمات 1.5 جنيه للدقيقة.
هذا التليفون كان بدون شريحة يعنى خط ثابت كجزء من التليفون.
هذه صورة التليفون بس ياريت ماحدش يتريق على حجمه.
على فكرة ماكنش فى هذا الوقت فى شبكة غير فى المدن يعنى وانت مسافر فى أغلب اماكن طرق السفر السريعة الموتور واى ماكنتش تقدر تكلم حد لغاية لما تدخل لأقرب مدينة.
خالص تحياتى للجميع.

دائما مظبطنتا يا عادل بيك والله
تعرف معاليك ان الامريكان بقا مبيحبوش كلمه سيل فون (Cell Phone) علشان كلمه سيل بالامريكى يعنى زنزانه او حجز
كان لى صديق من اوريجون سيتى فى امريكا وصديق اخر من يوركشاير بالمملكة المتحدة الاتنين عاملين زى الديوك فوق روس بعض
ده يقعد يغيظ ده ويقوله سيل فون وهو عارف ان الامريكى بيضايق
هههههههههههههههههه
ايام يافندم وشكرا على المعلومات الهايلة
وطبعا حضرتك طول عمرك سباق بالخير يفندم
وتحياتى لمعاليك