رخصه حمل مسدس صوت بختم وزاره الداخليه

[bravo]

المشاركة الأصلية كتبت بواسطة soliderheart

السلام عليكم مفيش رخصه حمل سلاح صوتى لان قانون حمل الاسلحه الصوتيه نصها التى تستخدم فى الابتهاج والمناسبات ولا تقع ضمن جدول الاسلحه الناريه ومش من حق اى حد ياخدة منك او يعمل لك محضر مادام لم تستخدمه للترويع واى ظابط يقولك غير كدة او امين شرطه معفن كل دة عشان ياخد منك السلاح ويبيعه ويوهمك انك عامل حاجه غلط وهوا بيوجب معاك انه هيسيبك

صح سيادتك وهو ده الكلام السليم، وفعلا مستشار محترم قاللي كلمة إيه هي؟؟؟ قال ممكن تتمسك وتشيل جريمة بسبب مسدس بلاستك ب10 جنيه لو استخدمته في ترويع أو سرقة بإكراه أو خطف أو سطو أو اغتصاب، والقانون بصراحة فيه خلل،،، إزاي؟ إن ممكن حضرتك تطلع رخصة سلاح لو عندك مصنع أو أرض مثلا (زمان) ومش ممكن يطلع رخصة لواحد راحلهم وقال عشان حماية مراتي وأولادي!!!!! رغم إن النفس أغلى من العقار!!!!!
يا فندم الموضوع راجع للتقدير والظروف المحيطة، والعقل بيقول إن الأمن يشد حيله ويمسك عتاة الإجرام والمدججين بالمدافع بدل ما يتشطر على واحد مشتري مسدس صوت أنتيمونيا لو وقع على الأرض يتقسم نصين، لسة طالعين أول إمبارح على صديق في الصحراوي بجيب وموتوسيكل والحمد لله كسرو الزجاج الخلفي وشوية خبطات جانبية في بي إم وهرب بعد لحظات من الهلع والترويع بتمر وكأنها شهور!!!! ربنا يستر علينا معلش طولت لأن ضغطي بيعلى اليومين دول كتير