يا جماعه عاوز رايكم في حاجه مهمه؟

[adel152]

المشاركة الأصلية كتبت بواسطة mohd_wafik

السلام عليكم ..
انا فكرت في موضوع جميل جداا بس مينفعش اتخذ فيه قرار قبل ما اخد الموافقه و الاراء من الاخوه الصيادين .. و الموضوع هوه:-

ان اجمع المواضيع لشئ معين في موضوع واحد اثبته عشان يكون مرجعيه هامه ...
بمعنى اي موضوع للبندقيه للكرال من مواصفات و تعديلات و خلافه اجمعهم في موضوع واحد و اي موضوع للرش من حيث الانواع و الشكال و الاسعار اجمعهم في موضوع واحد و اثبته ....

بكده نكون خفينا عدد المواضيع المثبته و كمان عملنا مرجعيه هامه لكل حاجه لسهولة الحصول على المعلومات ....

اييه رأيكم ؟

محمد باشا بعد التحية.
والله حضرتك ابن حلال لأنى بقالى يومين بأفكر فى كثرة المواضيع المثبته خاصة انها لو ملأت الصفحة الاولى لن نستطيع رؤية اى موضوع جديد لأن المواضيع المثبته بتظهر فى كل صفحة مش الصفحة الاولى فقط.
أنا وصلت لفكرة أسهل بكتير من تجميع المواضيع فى موضوع واحد وهى عمل ملف واحد فى بداية كل قسم والملف يسمى (المواضيع المثبته) وبداخل الملف توضع كل المواضيع المثبته كما هى.
يعنى مثلا لو دخلت قسم (الصيد فى مصر > الاسلحه > بنادق ضغط الهواء ومتعلقاتها) حيبقى فى ملف واحد فقط فى بداية الصفحة (المواضيع المثبته) ومن تانى سطر حتلاقى المواضيع الجديدة.
من وجهة نظرى تجميع اكثر من موضوع لأكثر من عضو حتى لو المعلومة عن شئ واحد غير عملى لأختلاف وجهات النظر بين الاعضاء حتى ولو فى نفس الموضوع وسيعطى المشرف ادخال او حذف مايراه عملى من وجهة نظره الشخصية التى قد تتفق او تتعارض مع صاحب الموضوع الاصلى وده ممكن يدخلنا فى جدال نحن فى غنى عنها.
دى وجهة نظرى الشخصية وللأدارة الرأى الاخير فيما تراه للصالح العام.
خالص تحياتى للجميع.

[dr_mohasan]

المشاركة الأصلية كتبت بواسطة adel152

محمد باشا بعد التحية.
من وجهة نظرى تجميع اكثر من موضوع لأكثر من عضو حتى لو المعلومة عن شئ واحد غير عملى لأختلاف وجهات النظر بين الاعضاء حتى ولو فى نفس الموضوع وسيعطى المشرف ادخال او حذف مايراه عملى من وجهة نظره الشخصية التى قد تتفق او تتعارض مع صاحب الموضوع الاصلى وده ممكن يدخلنا فى جدال نحن فى غنى عنها.
.

ازيك يا استاذ عادل , اعتقد ان المقصود هو تجميع روابط الموضوعات فى موضوع واحد حتى يسهل الوصول لها , لأن تجميع الموضوعات نفسها مش ممكن يحصل عمليّاً

وتحيّاتى لمحمد وفيق على فكرته الجميلة