كل مايمك تعرفة عن البندقية الرمسيس (مزايا و عيوب و إصلاح ) الجزء 1

[nagy]

اولا موضع مهم جدا لأن البندقية تعتبر البندقية الوطنيه فى مصر لما لها من شعبيه جارفة نظرا لحاجات كتير منها ثمنها ووجودها فى معظم اماكن البيع والاهم طبقا لخبرتى الشخصية قوتها
واستميحكم عذرا ان ةاتحدث عن ذكرياتى الشخصية للجميله رمسيس نمرة 1
اشتريتها لما خلصت الابتدائية من صيدناوى فى المنصورة من حوالى 22 سنه تقريبا او اكتر مش عارف بالظبط المهم انها كانت هديتى لما خلصت الابتدائية وكان سعرها فى هذا الوقت تقريبا حاجه وعشرين جنيه
المهم اداء البندقية دى كان رهيب بالنسبة لما كان موجود مع اصدقائى فى هذا الوقت عاوز اقول انه البندقية دى كانت بتدخن بعد الضرب وكان صوت الطلقة بعد اصطدامها فى اى شىء له صوت صفاره او رنه اكنها طلقه رصاص حى
طبعا الكلام ده عن تجربه حقيقية وان كان الزمان بعيد شويه بس البندقية دى كانت تحفه بجد طبعا انا بعتها بعد كده بكام سنه بعد الماسورة ماتعوجت بفعل الاصدقاء والحبايب بحولى 30 جنيه على عيبوا
بس لا اعتقد انه ممكن الاقى واحدة تانيه زيها بنفس القوه ممكن تكون كانت حظ او نصيب زى ماتقولوا