ماذا بعد الصيد

[dr_mohasan]

المشاركة الأصلية كتبت بواسطة تامر عصام

أنا بسأل الصيادين عن ماذا يفعل الصياد بعد صيد اليمام و الحمام وما هى المدة القصوى التى لا تفسد اليمامة فيها و اين اضع الصيد الذى معى ثم بعد ذلك كيفية ترييش الصيد أرجو الاجابة منكم و ياريت لو كل واحد يقول طريقته الخاصة لكى تعم الفائده

بسم الله الرحمن الرحيم

- المدّة القصوى تختلف بإختلاف حرارة الجو
فى عز الصيف لا تزيد عن 4 ساعات , وفى عز الشتاء توصل 12 ساعة

- يوضع الصيد فى (Ice Box) لو بتصطاد ومعاك عربية , ولو بتصطاد على رجليك يبقى الكورديللا أو شنطة قماش علشان التهوية تكون كويسة ولا يفسد الصيد
(طبعاً هاتسأل ايه هى الكورديللا ... ابحث فى قسم رحلات الصيد عن مواضيع أحمد روك و محمود حوكا , هاتشوفها معاهم) , وهذا رابط لأحد المواضيع

http://www.egypthunt.net/showthread.php?t=24279

- الترييش بسيط جدا , تحط الطير فى مياه ساخنة لمدة 10-15 ثانية و بعدين تنزع الريش كلّه

بالتوفيق ان شاء الله

[تامر عصام]

شكرا يا دكتور محمد حسن انا كان نفسى حد من الناس الجامدة يجاوبنى فربنا كرمنى بيك شكرا يا باشا

[dr mohamed kamal]

المشاركة الأصلية كتبت بواسطة dr_mohasan

بسم الله الرحمن الرحيم

- المدّة القصوى تختلف بإختلاف حرارة الجو
فى عز الصيف لا تزيد عن 4 ساعات , وفى عز الشتاء توصل 12 ساعة

- يوضع الصيد فى (ice box) لو بتصطاد ومعاك عربية , ولو بتصطاد على رجليك يبقى الكورديللا أو شنطة قماش علشان التهوية تكون كويسة ولا يفسد الصيد
(طبعاً هاتسأل ايه هى الكورديللا ... ابحث فى قسم رحلات الصيد عن مواضيع أحمد روك و محمود حوكا , هاتشوفها معاهم) , وهذا رابط لأحد المواضيع

http://www.egypthunt.net/showthread.php?t=24279

- الترييش بسيط جدا , تحط الطير فى مياه ساخنة لمدة 10-15 ثانية و بعدين تنزع الريش كلّه

بالتوفيق ان شاء الله

د / محمد مساء الفل كلام جميل جدا ولى إضافة بخصوص التريش لان تريش الطيور فيه تكة ونقطة فاصلة بين فشل العملية بالكامل ونجاحها , و التكة دى هى درجة حرارة مياه التريش ومدة و ضع الطير فيها فدرجة الحرارة العالية تجعل الريش يمسك أكثر فى الجلد و ينزع بالجلد ,ثانية مدة وضعه فى الماء لو قليلة مشحتؤدى الغرض ولو طويلة حنوصل للنتيجة الاولى بتاعة الحرارة الزائدة ,لذلك نصيحتى هى التريش على الناشف حيث أن ريش اليمام سهل النزع على الناشف ثم الحمام ماسك شوية ولكن ينزع بسهولة على الناشف ,إضافة أخرى بالنسبة للحفاظ على الطيور لأطول فترة ممكنة حتى نهاية الرحلة فى الصيف ,هى شق بطن الطير و التخلص من أحشائة و وضعه فى مكان جيد التهوية و بعيد عن أشعة الشمس المباشرة ,تحياتى لحضرتك ولصاحب السؤال

[dr_mohasan]

المشاركة الأصلية كتبت بواسطة dr mohamed kamal

د / محمد مساء الفل كلام جميل جدا ولى إضافة بخصوص التريش لان تريش الطيور فيه تكة ونقطة فاصلة بين فشل العملية بالكامل ونجاحها , و التكة دى هى درجة حرارة مياه التريش ومدة و ضع الطير فيها فدرجة الحرارة العالية تجعل الريش يمسك أكثر فى الجلد و ينزع بالجلد ,ثانية مدة وضعه فى الماء لو قليلة مشحتؤدى الغرض ولو طويلة حنوصل للنتيجة الاولى بتاعة الحرارة الزائدة ,لذلك نصيحتى هى التريش على الناشف حيث أن ريش اليمام سهل النزع على الناشف ثم الحمام ماسك شوية ولكن ينزع بسهولة على الناشف , تحياتى لحضرتك ولصاحب السؤال

وحشتنا يا دكتور , حضرتك فين من فترة مش بنشوفك عالمنتدى

رأى حضرتك يحترم جداً , و رأيى بناء على التجربة الشخصيّة :
اليمام على الناشف سهل جداً , ولكنّى أفضل وضعه فى الماء الساخن لسبب هاقوله لحضرتك فى النهاية
الحمام على الناشف صعب , وأنا بنفسى لما بانضّفه باحطه فى مياه ساخنة لدرجة كبيرة تقارب الغليان لمدة 15 ثانية , ثم أنزع الريش بسهولة

سبب وضع اليمام و الحمام فى الماء الساخن بخلاف تسهيل عملية التنظيف هو التخلص من الحشرات التى تكون عالقة على جسم الطير تحت الريش والتى أجدها أحياناً فى الحمام الذى نصطاده

خالص تحيّاتى لحضرتك يا دكتور ولا تحرمنا من خبراتك و مشاركاتك الرائعة