مطلوب بندقية

[super_star495]

السلام عليكم ورحمة الله

ازيكم يا اساتذة الصيد
بصراحه انا اشتركت وعجبني المنتدى لاني
كنت امارس الصيد من زمان ولكن على خفيف كده وكنت مشغول جدا الفتره اللي فاتت
والان محتاج بندقية خاصه بي لاني كنت اصطاد ببندقية زميل ليا لما بحب اطلع

بس عاوز واحده خاصه بيا بس انا مش هاوي جامد عاوز حاجه جديده في حدود 500 جنيه
وف نفس الوقت تكون كويسه انا سألت في محلات السلاح الجديده الصيني
بس مقاليش نوعها قالي عامله 800 جنيه جديده زيروا الكلام ده امس
عند شريف بتاع الاسلحه في كفر الشيخ
رغم اني من فتره قريبه من 4 شهور او كده كنت سالت محل تاني قالي الصيني جديده عامله
500 جنيه بس انا مديتش اهتمام وقتها لاني مشغول بس عاوز اعرف يترى الصيني دي عمليه
ولا فيها مشاكل دي اول نقطه تاني حاجه هتنفعني ولا لا وعمليه في الطلعات ولا هتكون زي عدمها

واسف اذا كنت طولت عليكم ولو في اعضاء عندهم عروض
قريبه من السعر ده او كده وشايفين انها احسن ممكن يبعتولى على الخاص
ومنكم نستفيد اكتر ان شاء الله وانا اخوكم الجديد
ومستنى تسعدوني وتضموني ليكم كاحد القناصين في المنتدى الاكثر من رائع ده

والسلام عليكم ورحمة الله

[pooforever_2010]

ابتدى كبير وابدأ بالكرال
بندقيه قويه وحتحببك فالهوايه اكتر
تحياتى

[super_star495]

المشاركة الأصلية كتبت بواسطة pooforever_2010

ابتدى كبير وابدأ بالكرال
بندقيه قويه وحتحببك فالهوايه اكتر
تحياتى

اولا الف شكر لردك الكريم والنصيحه الغاليه
ولكن النقطه الاهم اني مسافر للخارج كلها اقل من شهرين فقط
وانت عارف ان اكيد البندقيه هتتركن سعتها فانا عاوز حاجه اكمل بيها بس اليومين دول
يعني حاجه تقضي بس الغرض لكن اكيد لما ارجع هيبقى حاجه كبيره ان شاء الله
تفضل معايا على طول ان شاء الله وهعمل بنصيحتك

بس سؤال هل انا لو جبت حاجه في حدود 500 او صيني زي ما سمعت كده
هتقضيني الفتره دي يعني ولا ايه نظام البنادق دي
ومليون شكر لك مره تانيه

[ellebodey]

اسمه ان الشنجهاي الصيني ممتازه .. وتقضي معاك جدا وشغاله وناس كتير جايباها .. وفي اكتر من زنيل لينا هنا عارضها للبيع... دور في عروض البيع وان شاء الله تلاقي ضالتك..
وفقك الله الي ما يحبه ويرضاه

[super_star495]

المشاركة الأصلية كتبت بواسطة ellebodey

اسمه ان الشنجهاي الصيني ممتازه .. وتقضي معاك جدا وشغاله وناس كتير جايباها .. وفي اكتر من زنيل لينا هنا عارضها للبيع... دور في عروض البيع وان شاء الله تلاقي ضالتك..
وفقك الله الي ما يحبه ويرضاه

الف شكر على المعلومات المفيده دي والقيمه
اخي الفاضل وبصراحه بدايه مشجعه منك ليا طيب لو امكن تديني روابط مواضيع
او ارقام ناس بتتعامل معاها وبتثق فيها وياريت تقولي اسعارها بالظبط وهل ممكن اظبط او احدث فيها حاجه ولا هيا كويسه على بعضها واكون شاكر ليك جدا
اخوك احمد وفي انتظار ردك على احر من الجمر

[adel_7768]

بالتوفيق انشاء الله

[super_star495]

المشاركة الأصلية كتبت بواسطة adel_7768

بالتوفيق انشاء الله

شكرا لك ونستنى بقيت الاعضاء
للافادة وشكرا

[ramy11]

بسم الله عندى بندقيه الشنجهاي الصينى ممتازه نمره 2

[super_star495]

المشاركة الأصلية كتبت بواسطة ramy11

بسم الله عندى بندقيه الشنجهاي الصينى ممتازه نمره 2

اهلا بيك اخي وتشرف فيك
اذا امكن اخي تفاصيل وصور ليها
والمكان بتاع حضرتك فين بالظبط وهل هيا مغيره حاجه ولا
وان امكن السعر المطلوب فيها اخي يعني لو شويه تفاصيل
يكون افضل وانا منتظر ردك ان شاء الله

[super_star495]

المشاركة الأصلية كتبت بواسطة ellebodey

اسمه ان الشنجهاي الصيني ممتازه .. وتقضي معاك جدا وشغاله وناس كتير جايباها .. وفي اكتر من زنيل لينا هنا عارضها للبيع... دور في عروض البيع وان شاء الله تلاقي ضالتك..
وفقك الله الي ما يحبه ويرضاه

ان امكن اخي الفاضل وانا عارف اني تعبتكم معايا
بس لاني شايفكم اخواتي
لو تقولي كم سعرها جديده لاني كل يوم بسمع سعر
ومش عارف احدد بالظبط لو تقولي سعرها جديده كام دلواتي
وايه اضمن مكان اشتريها منه جديده
او اللي عنده استعمال واكون شاكر ليكم جدا

[maheradv]

و الله يا افندم الكرال مدفع و سلاح مهم و سهل في البيع جدا
استخدمها و لما تيجي تركنها بعها مش هتخسر فيها كلام فارغ
ده رايي لكن امسك علي الأقل كرال تركي و بلاش الصيني