رحلة الجمعة 11/5

[dr_mohasan]

المشاركة الأصلية كتبت بواسطة new_year

وانا مبسوط جدا اني اتعرفت علي الناس الجميلة المحترمة دي
واحلي حاجة شدتني في الموضوع ان كلهم كانو بيسالوني
انت مبسوط ولا لا ؟ اهم حاجة تكون مبسوط
اهم حاجة انت تصطاد وتكون مبسوط
ودي كفاية اوي بجد
وتحس من طريقة الكلام ان الكلمة طالعة من قلبهم وانهم فعلا عاوزين كصياد جديد اني اكون مبسوط بالصيد

المكسب الكبير بالنسبة لينا من الرحلة دى اننا حببنا صياد جديد فى الهواية , وانا سعيد جدا يا ميزو انك فى اليوم ده اتعلمت و شفت حاجات كتير جدا , والحمد لله احنا فضلنا نحاول كتير لغاية ما ربنا وفقك لأول صيد فى حياتك وماتعرفش والله انا كنت سعيد بفرد الحمام بتاعك قد ايه , والله كان افضل عندى من كل الحمام اللى اصطدته فى حياتى

أهم حاجة ان الكل يكون مبسوط , لما نكون مجموعة لازم كل واحد يراعى ان زميله يستمتع بالرحلة , الرحلة بيكون مالهاش طعم لما يكون فيها حد مش مبسوط ومش موفق , اللى ضرب كتير لازم يدّى فرصة أكبر لزميله لو كان مش موفق , ياما اصطدنا ... والصيد كتير و مش هيخلص , المهم ان الرحلة تكون ممتعة للجميع والكل يرجع راضى و مبسوط

الصيد مش بندقية و رش و هاتك يا ضرب فى الطير , الصيد فيه حاجات كتيييييير غير كدة , ياريت الكل يعرفها

بالتوفيق يا ميزو و تحيّاتى ليك يا ... " صيّاد "