وداعاً للسوست ووجع الدماغ

[sghr220]

السلام عليكم و رحمة الله و بركاته
اخواني أعضاء المنتدى الأعزاء الحقيقه مشاركات في منتهى الجمال و معلومات مفيده جدا كما تعودنا من حضراتكم و لكن ليا تعليق بسيط بعد اذنكم:
فكرة الجاز رام فى حد ذاتها و بغض النظر عن البندقيه موضع الحديث او المقارنة فكرة مفيده و تساهم بشكل كبير في تحسين خواص البندقية بشكل كبير لكن و خد بالك أوي من الكلمتين دول تحسن ايه؟ و لحد فين؟
أولا تحسين رد الفعل و تجميع نشان البندقيه ( و عذرا لو فيه تكرار فى الكلام).
ثانيا تحسين سرعة و قوة البندقية الى الحد اللي تسمح بيه باقي الأجزاء.

موضوع لحد فين ده لازم فيه نظره على البنادق الموجودة لما تعوز تطور جامو يبقى الطموح لحد فين؟ فى وجهة نظري الشخصية الديانا او الثيوبين او الفايروخ لو حتى 80% من الأداء و دى وجهة نظر مبنية على تصميم البندقية و الخامات المستخدمه و الابتكارات او الأفكار المنفذة في البندقية لكن لما تعدل او تطور رمسيس مثلا او b3 النتيجه المتوقعة تبقى زي النوريكا او الجامو و ده على ما اعتقد كلام واقعي جدا و نتيجة ممتازه و اتمنى تتقبلوا وجهة نظري.

أما بالنسبه للتعديلات الميكانيكة علي بعض البنادق بغرض تركيب الجاز رام فالأفضل التعديل في الجاز رام نفسه ليتناسب مع البندقيه و ليس العكس للحفاظ على البندقية بحالتها الأصلية و امكانية تركيب سوستة مره أخرى عند الرغبه.

بخصوص للديانا 54 و بعض البنادق الأخرى العالية فهى بندقيه جميلة جدا و لكن بها شيئ من التعقيد يجعل تركيب الجاز رام صعب و لكن ليس مستحيلا و لكن الهدف الرئيسي من الفكرة شريحة البنادق المتوسطة و الضعيفة (في المواصفات و ليس القوة).

بالنسبة لمجموعة الزناد الموجودة في بعض البنادق و هى احيانا بتكون ضعيفة بعض الشيئ لتصنيعها من البلاستيك أو الفيبر فهناك تعديل اقوم به في بنادقي بتغيير التتك و الأمان باجزاء مصنوعه من النحاس و مزودة بمسمار امامي للتحكم في مشوار التتك والقوة المطلوبة للاطلاق.

اما الأخبار الجديدة فتم الانتهاء من تصنيع اول وحدة و ان شاء الله يتم شحنها بالنيتروجين و تجربتها و اطلاع حضراتكم على النتائج في اقرب فرصة.
أخوكم محمد صفوت