سؤال بسيط لمالكين الصقور

[TheLegnedkiller]

لو سمحتم يا جماعه هو الصقور تاكل السمك



يعني انا هجيب ان شاء الله صقر شرياص

بس عندي استفسار

هو بياكل سمك ولا ايه

وايه اكله المفضل له

والصقر الفرخ اكله ايه

واالكبير اكله ايه

مع تحياتي

[Mohamed El-Hadidy]

علي حد ذاكرتي الضعيفه..اعتقد ان حضرتك قلت انك عندك صقر اصلا,,الأكل البوم

[TheLegnedkiller]

والله عارف انا عندي دكر وان شاء الله هجيب انتايه

بس انا عاوز اسأل علي الاكل بتاعه عموما

انا بنزل اجبله كل يومين فرخه بياكلها

انا برضه عاوز أسال هو بياكل سمك ولا ايه

[TheLegnedkiller]

عشان انا لو جبتله كل يومين فرخه

بعد شويه هروح اشحت عشان اجيبله اكله بعد كده

انا بسأل عشان لو هو بياكل سمك انزل اصطاد سمك واديهمله

فهمت قصدي يا استاذ محمد

[TheLegnedkiller]

ايه يا جماعه مفيش اي حد يعرف الصقر ممكن ياخد سمك ولا ايه

[صقر الدلتا]

السلام عليكم ورحمة الله وبركاتة الصقور المعروفه لنا لا تأكل السمك نوع واحد فقط الذي يتغذي على السمك وهو النسر السماك اما لاكلة لا اتخيل ان صقر شرياص يأكل فرخة بيومين كدة صعب جداااااااااااااااا وكتير جدااااااااااااااااا على شرياص ممكن تصيد عصافير ارخص واحسن بالنسبة لصحة الصقر

[TheLegnedkiller]

طب هي العصفوره اصطادها ازاي

وانا ادهاله كامله وهو ياكلها ولا لازم اقطعها انا

[Champion]

متهيألي بتاكل طيور و قوارض و صعب تاكل سمك

[TheLegnedkiller]

طب هو النسر السماكي موجود وبيتباع ولا ايه

[mody_kamal]

بندقيه رش واصطادلك كام عصفوره من قدام البيت وديهومله او يمامه وبس انا كنت جايب واحد زمان ب10 جنيه

بس كان كبير شويه ومريش بالكامل جبته وكبرته وفي الاخر في اول فرصه قدر يطير فيها وجنحاته شدت طار وسبني