عاوز سلاح صوت بس مش بفهم فيهم

[loverlover]

http://www.egypthunt.net/showthread....C7%E1%CC%CF%CF

اخي الكريم ,, اتمنى ان يفيدك هذا الرابط فى اختيارك
مع اختلاف بسيط فى الاسعار
استقر انت على نوع من المسدسات دي وانا تحت امر حضرتك فى الاستفسار الكامل عنه
بالنسبة للحجم والصوت القوي
ارشح لك الفيرات مجنوم - الجاكال - البلو سي - الريتاي بارون
ودي اسعارهم متوسطة وهتزيد عن الألف شوية
بس هتبقى حاجة محترمة وتعيش معاك وقطع غيارها متوفرة
بالنسبة لأنواع الطلق
الطلق الألماني الـ 9 يعتبر أفضل الأنواع فى الصوت وفى الجودة ويليه التركي الذهبي
بالنسبة للـ 8 مللي مانصحكش انك تجيب مسدس بالعيار دة لأنه نادر وغالي وعلى الفاضي
خليك فى الـ 9 متداول أكتر وسهل يتجاب وباقل الاسعار
وانا تحت امرك بردو فى اي استفسار
بالنسبة للسلاح الصوت قانونا مافيهوش مشكلة اطلاقا
يعنى لو معدي على لجنة وظابط لقاه معاك مافيهاش مشكلة
بس نظرا لظروف البلد اليومين دول بيتلككوا جااااااااامد وممكن يغلس عليك وياخده منك
او يحولك على النيابة لو عملت مفتح وبتفهم وقلت له دة صوت
وساعتها هيقولك المعمل الجنائي اللى يقول الكلام دة
المسدس لو مفتوح من المصدر مافيهاش مشكلة (( يعنى جي من بلده مفتوح ))
لو مفتوح هنا وبيبان أوي هتبقى مشكلة وهيبقى مقلوب وقضية ومشكلة انت فى غنى عنها
اتمنى اكون افادتك ولو شوية بسيطة . ولو فيه اي استفسار حضرتك ممكن تكلمني على الخاص ,, تحت امرك