ريتارى ايجل

[mr vigo]

هو انا مش فاهم قوي قصدك يا روما

انما الديزرت مشكلته فعلا انك لما حتيجي تستعمله

مش حتستعمله الا في مناطق اتعودت على شكل مسدسات حيه

زي ماقولتلك حلوان وبريتا او حتى جلوك

لكن الديزرت شكله قدام أي حرامي حيقول انه مجرد لعبه

ولو ضربت طلقه حيقول في نفسه ده صوتووقتها هي المشكله

لاحظ ان أساس استخدامنا لمسدسات الصوت المقفوله هو الردع النفسي

يعني ايهام المجرم أنه سلاح حي وهو في الاساس صوت

فلو حس انك بتهوش بسلاح صوت بدون أي ضرر عليه ماتضمنش العواقب اللي ممكن تحصل

دي حاجه

الحاجه التانيه

ان معظم الشركات اللي بتعمل الاسلحه الصوتيه دي بتعملها قريبه لنفس شكل السلاح الحي

لأن معظم الاسلحه متاحه ومتوفره هناك وفيه البديل اللي يرضي فضول ورغبة الشباب هناك

يعني فيه الديزرت ايجل الحي وشبيهه الصوت

فيه البريتا الحي وشبيهه الفرات والجاكال وغيرهم

فلو حد حاول يهوش بالديزرت الصوت هناك المجرم حيصدقه لأن الديزرت الحي زي ماقولت موجود هناك ومعروف

لدرجة ان القانون هناك بيلزم في بعض الولايات بتركيب غطاء أحمر على الاسلحه الصوتيه البلاستيكيه

لتمييزها عن الحي ولضمان عدم استعمالها في اقتحام محلات سوبرماركت او غيرها

في حين اننا هنا الشارع المصري مبيعرفش الا انواع بعينها

وبالتالي لو خرجنا عنها حننكشف ويتعرف اننا مبنحملش سلاح حي

ونفقد أهم نقطه وهي التهديد النفسي للمجرم

هو ده قصد كلامي