رسالة إلي كل من يتعامل مع الاستاذ هشام سمير

[aymank2]

ياباشا شكرا على شعورك الجميل ناحيه الاستاذ هشام سمير بس طالما الموضوع اتفتح يبقى من حقى اقول رايى ان الاستاذ هشام على طول مشغول ومش فاضى وصاحب اكبر رقم قياسى فى المواعيد المضروبه وعدم الرد على الموبايل وقفله كمان وده عن تجربه من اخر شهر يناير الى اخر شهر فبراير بحاول اشترى منه بندقيه وكان فرق سعرها عن المحلات 150جنيه بصراحه اسعاره دايما اقل من السوق بس ده خلانى احس انى بفقد احترامى لنفسى ان علشان 150ج اعمل كده طبعا من الاخر جبتها من المحل انا عارف ان الاستاذ هشام تقريبا اعلى منصب فى المنتدى دلوقتى يعنى بسهوله ممكن يحذف المشاركه بتاعتى بس اتمنى انه يكون عنده ثقافه الاختلاف فى الرأى مع الاخرين ويستحمل النقد البناء وعلشان ميبقاش كله نقد بس انا تقريبا قريت كل المواضيع المثبته ليه ورايى ان من اكتر الناس درايه وعلم وافاده للناس فى مواضيع الصيد وادواته تحياتى للجميع.