حمل السلاح والإتجار به بدون ترخيص "حرام" شرعًا

[M.SHADY]

المشاركة الأصلية كتبت بواسطة loverlover

وانت لو محل بتاع مقصات وسكاكين .. تضمن منين ان اللى هيشتري منك مش هيأذي حد ؟؟

ولو انت بتاع مسدسات صوت .. تضمن منين ان اللى هيتشري مش هيحوله بلي ولا يقلبه ؟؟

ياباشا اللى عايز يأذي حد بيأذيه ان شالله بمعلقة شاي مسنونة على جدار سلم

كل واحد متعلق من عرقوبه وكل واحد مسئول عن تصرفاته
انت لما بتبيع سكينة لواحد مش بتبيعهاله عشان يروح يثبت بيها او يقتل بيها
دي سلعة زيها زي اي شىء تاااااااني ممكن يتباع ويستغل في معصية الله

وعلى العموم ربنا يصلح الحال .. ويغنينا عن استخدام السلاح
عشان اصلا عدم الاحساس بالامان واللجوء لحمل السلاح دي مش حاجة حلوة على فكرة

هو حضرتك بتهاجم دار الافتاء و علماء المسلمين ليه .و بعدين انت زعلان من ايه .هو انت تاجر سلاح من غير ترخيص و لا حاجه و بعدين الكلام موجه لعموم الناس .الفتوى مش بتطلع لفرد . و اللى على رأسه بطحه هو اللى بيحسس عليها

[loverlover]

المشاركة الأصلية كتبت بواسطة m.shady

هو حضرتك بتهاجم دار الافتاء و علماء المسلمين ليه .و بعدين انت زعلان من ايه .هو انت تاجر سلاح من غير ترخيص و لا حاجه و بعدين الكلام موجه لعموم الناس .الفتوى مش بتطلع لفرد . و اللى على رأسه بطحه هو اللى بيحسس عليها

اولا .. انا ماهاجمتش الجهة دي بعينها .. انا هاجمت الفتوى الخايبة اللى طلعتها
وعلى فكرة انا ولا تاجر سلاح ولا حاجة .. ولامؤيد لفكرة حمل سلاح بدون ترخيص
بس فيه بعض الأخوة الأفاضل أنا أعرفهم شخصياً مضطرين إنهم يشيلوا سلاح حي بدون ترخيص
ودة مش عشان يأذوا حد أو يعتدوا بيه على حرمة حد .. دة بيكون فقط للدفاع عن النفس
وناس متعلمة ومحترمة وليها وضعها .. ومش على راسهم بطحة ولا حاجة
هما بس ظروف البلد وشروط الترخيص الصعبة جدا واسعار السلاح فى المحلات الخيالي
واستغلال وجشع التجار للوضع .. كل دة سبب فى لجوئهم للحل دة
ورجاء خاص ياسيدي الفاضل بإيجاد إسلوب أفضل من ذلك للحوار
فالموضوع أولا واخيرا للنقاش وليس للجدال والخناق وفرض رأي بعينه على الجميع
وتقبل خالص تحياتي