سؤال لتحديد المصير

[ashraf_f]

المشاركة الأصلية كتبت بواسطة عادل عبده

انا هقولك مميزات وعيوب وانت حر بقى تعمل اللى يريحك


1 السى اف
بندقيه خفيفه دقتها جميله جوده محترمه عشان اسبانى قوتها متوسطه مابين 180 الى 200 متر ممكن تعدلها بسوسته تايتن تثبت على 200 متر
سهله الحمل وبتاع جميع انواع الصيد اذا كنت مترجلا او راكبا او لابدا
عيوبها ان الاسبانى بتاع صيد ولم يثبت حتى الان انهه يتوارثه الاجيال
بوابه الرش بتنفس وبتبوظ عشان هى من الكاربون وده عيب خطير بؤدى الى فقد البندقيه 20% يعنى هوالى 30 الى 40 متر فى الثانيه وعشان تجيب بوابه الموضوع هيبقى مكلف


2- البى اس ماك 7
بندقيه جميله معمره جدا جدا بتاعه الاستخدام الشاق والعمر الطويل
حديد فى حديد وخامات قويه وفيها سر غريب يؤدى الى قفل الصيد
عيبها مش هتلاقى بندقيه فى مصر مش شارخه من قدام العتله ولو لقيت هتبقى زيرو وغاليه فشخ
وزنها زياده بعض الشئ فهى تقرب من البام وده مش كلام هرت زى كل اللى بيقول ده من على ميزان بيتنا
جلبه البستم بتاعتها المونيوم وعليها اويلسيهات ممكا يؤدى الى رد فعل عنيف حتى ولو السوسته خلصانه
تم قياس عده بنادق ماك 7 واحدها معدله بسوسته ديانا ووجد ان السرع لم تتخطى ال165 متر ويعلم الله انى مش بكدب ولا بهتى زى 90% من الناس وعندى الدليل لو تحب


3 - البام 22
بندقيه جميله فيها حديد وخامات وتحس ان مصروف عليها وفيها ماسوره وحديد يقرب من جوده الديانا ولاكن الدينا تتغلب فى جمال الدبشك ونوعه ودهان المعدن
بندقيه قويه جدا وتضرب معاك اى حاجه لحد 80 و100 متر بس الرك على الصياد وتقفل معاك كلاب وتعالب لحد 50 متر بأذن الله
عيوبها بقى
بندقيه تقيله وزنها على الميزان 4500 جراك يعنى 4 كيلو ونص
لابد وان يكون من يمسكبها عنده فنون القنص حتى يتعامل معاها ويحافظ عليها وعلى صيانتها
سوستتها ناشفه وبالتالى ده سبب رئيس لقله دقتها
لاكن لو حطيت سوسته الديانا ال52 الالمانى الاصلى تاخد منها تجميع اوبن سايد فوق الممتاز وانا الحمد لله بلبس رشايه على رشايه بالبندقيه بتعتى ربنا يكفيها شر العين
احلى ميزه فيها انها يوم ما تريح سوسته الديانا فيها لن تقل عن ال200 متر فى الثانيه مع الرش الماتر وتعلى مع الديابلو
وديه اهم ميزه وهى ثبات السرعه وانها وهى هاديه تعد من بنادق الهاى باور واللى بتقفل غربان ومن على مسافات ضغمه
لابد وانت تكون قوىالاعصاب والبنديه او تضع لها حزام كتف حتى تقوم بالصيد مترجلا
يا اما تصطاد من سياره او لابدا


انا قولت ما يميله عليا ضميرى من الله ومن نتيجه خبرتى وتجربتى وقيساتى لعده بنادق على الكرونو ميتر
ابغى بذلك ثواب من الله عز وجل وابتغاء مرضاته
لم اقل رأى محبه فيك ولا فى غيرك
برجاء من الاخوه الاعضاء اللى مقتنع بكلامى يدعو لى واللى مش مقتنع يجرب وبلاش تجريح او فتى
تحياتى للجميع وعيد سعيد علينا جميعا
السلام عليكوم ورحمه الله وبركاته

دولة كل سنة و انتا طيب طالما قلت دراع مرسى يبقى بتتكلم صح
على فكرة بندقيتى لنا قيسناها برده كانت 165 متر و بسوستتها مش متعدلة \ عادل بندقيت مين اللى قستها و هيا مغيرة سوستة ؟ و كان جايب السوستة من عند مين ؟