هل حد استخدم السلاح فعلا في غرض الدفاع مش في الأفراح

[kghazy]

أنا مؤمن ان السلاح النارى هدفه الرئيسى حماية الأرواح والممتلكات عن طريق الردع ولكن لازم استخدامه بالعقل ويكون مكانه الطبيعى فى المسكن لحمايته ولا يخرج الا فى حالتين حالة السفر وحالة نقل الاموال وفى الحالات دى لازم السلاح يكون جاهز على الضرب يعنى تكون طلقه فى الماسورة جاهزة ونظرا للخطورة لازم الطلقة الاولى تكون فشنك لسببين الاول أمان والتانى ان محدش عايز يموت ويخش فى سين وجيم فالطلقة الاولى تكون تهويش واذا استمر الاعتداء تكون الطلقة التانية فى الرجل وطبعا لو المعتدين مسلحين تسليح نارى يستحسن عدم التعامل وإخفاء سلاحك حتى لو سرقو عربيتك لان عمرك اهم وانا عن نفسي استخدمت السلاح كتير اثناء اللجان الشعبية ضد لصوص السيارات بس كله فى الهواء وجاب نتيجة لكن عمرى ما طاردت لص لان الهدف هو الردع