هل حد استخدم السلاح فعلا في غرض الدفاع مش في الأفراح

[M.SHADY]

المشاركة الأصلية كتبت بواسطة bodygard 34

المره دى حاتفلسف عليكوا فى الموضوع..اللى هو السلاح.. علشان يمكن يكون فى كلامى ده رد على البروفسير عيد فى تساؤله ... والموضوع ده انا كتبته قبل كده فى احد المنتديات وقلت يمكن يكون فى اجابه عن اهميه وجود السلاح...وهنا انا اقصد اى سلاح ممكن تشيلوا معاك وتستخدموا فعلا فى الدفاع عن نفسك.. طيب نعرف الاول معنى كلمة سلاح ..طبعا مش فى مختار الصحاح لأ معنى كلمة سلاح بشكل عام وامتى فكر الانسان انه يشيل سلاح ويستخدمه.. الانسان الاول اكتشف ان فى فرق بينه وبين الحيوان اللى بيهاجمه(البلطجى حاليا) او الحيوان اللى هو عاوز يصطاده وياكله الاولانى اقوى منه واكبر منه وعنده انياب ومخالب والتانى اسرع منه وعنده قدره على المناوره هو لا يمتلكها وقف عاجز لفتره لكن اللى خلقه ماسبوش وهداه انه يخترع اداه وسيطه تتيح له التفوق على امكانيات خصمه الحيوان سواء فى القوه او السرعه او الحجم وتسمح له انه يكون المسيطر ويدافع عن نفسه ويأمن غذاءه دون الاعتماد فقط على امكانياته الجسديه اللى قد تكون اضعف من امكانيات خصمه او فريسته......وبدأ الوضع يتغير واصبح السلاح جزء من حياة الرجل البدائى واكتشف برضه ان سلاحه ده يقدر يستخدمه ضد الانسان اللى زيه اللى بيحاول يطرده من كهفه او من ارضه او يستولى على نساءه لأن ماكانش لسه فى قانون بيحكم غير ..البقاء للأقوى.... بمرور الزمن وماننساش غريزة التحدى والرغبه فى التفوق وفرض الاراده اللى موجوده بالطبيعه عند الرجل بدأ فى تطوير سلاحه واصبح اللى معاه سلاح اقوى هو صاحب اكبر هيبه ومن حقه يحكم... واختلف الاحساس لدى البشر بأهمية السلاح حسب البيئه اللى بيعيش فيهايعنى اللى بيعيش فى صحرا او فى غابه احتياجه للسلاح كان اكتر من اللى عايش فى كهف امن او فى مجتمع قروى مثلا وسط بشر اخرين وبمرور الزمن تأصلت عادات مختلفه مرتبطه بالبيئه لدى البشر تجاه السلاح... ياه ده انا بأرغى قوى ..معلش استحملونى..المهم ارتبط حمل السلاح فى بعض المجتمعات بالرجوله واصبح مجال للتفاخر بين الرجال ولنفس الاسباب اللى ذكرتها مع الانسان البدائى واصبحت اشبه ماتكون غريزة حب حمل السلاح..وده موجود فى مجتمعات عربيه وفى صعيد وريف مصر واصبح هذا الموضوع له اصول واداب بل وفنون(ماننساش رقصة التحطيب عند الصعايده ودى من تراثهم اللى بيعتزوا بيه جدا ورقصة الجنادريه اللى فى السعوديه وهى رقصه بالسيوف بيشارك فيها الملك نفسه).. وجاءت الاديان لتضع تنظيم لأستخدام السلاح حماية لأرواح الابرياء ولم يسمح الله سبحانه وتعالى باستخدام السلاح الا ضد الظالمين ودفاعا عن الانفس والاموال والاعراض.. ولم يمنع ديننا الحنيف حمل السلاح بل على العكس امر باعداد السلاح والتدريب عليه بشكل دائم(واعدوا لهم ماستطعتم من قوه ومن رباط الخيل) وهنا السلاح للردع لكل من تسول له نفسه التعدى على حرمات المسلمين وهناك من الاحاديث الشريفه عن الرسول صلى الله عليه وسلم تحث على التدريب المستمر على استخدام السلاح وخاصة الرمايه.. ...... نيجى بقى لينا احنا دلوقت.. بالذات اخواننا اللى رخصوا سلاح..شعرت بأيه اول ماشلت سلاحك فى جنبك؟ اقولك انا حسيت بأيه..حسيت فى الاول بخوف لأن معايا اداة قتل بدون مبالغه والغلطه معاها بفوره زى مابيقولوا..وبعدين مع مرور الوقت حصل نوع من التاّلف بينى وبين سلاحى.. وبعدين بعد التدريب عليه كويس حسيت انى مسيطر عليه كويس ومافيش منه خوف طول مانا مسيطر على اللى اخطر منه وهى اعصابى وغضبى وابتديت اشعر معاه بالامان فعلا.. واستوعبت كويس قوى معنى كلام القراّن الكريم (والكاظمين الغيظ) وحسيت بكلام رسولنا الكريم( العفو عند المقدره) لأن بقى عندى فعلا القدره على الرد وبقوه على من يظلمنى.. فأصبح قرار العفو نابع من قدره وبكل كرامه..حمل السلاح ياأخوانى طالما هو للردع والتصدى للظلم وحمايةالانفس والاموال والاعراض فهو فخر وشرف شرط الا تجوربه على احد ولو بالترويع.. انا عارف طولت عليكوا ..بس ارجو ان يكون كلامى وضح شئ...(مش عايز تريقه)

اكثر كلام عقلانى و محترم سمعته من بدايه الموضوع . تحياتى ليك