الكرال الرماية

[د. محمد]

المشاركة الأصلية كتبت بواسطة hemi afifi

معايا و فارمها ضرب بسم الله ما شاء الله عليها بس خلي بالك دي اتقل من الخشب و الفيبر العاديه و مفيهاش عيوب انت بس حاول تعمل حسابك في سوسته جامو شادو 1000 عامله 140 تقريبا و ممكن تجبلها جلبه بس الجلبه اللي فيها كويسه جدا و البندقيه دي عن تجربه عشان تقدر تشتغل بيها حلو حتضربلك من 300الي 500 رشه و تبتدي تديك الاداء المحترم متحكمش عليها ولا علي نشانها في الاول و بتيجي نضيفه جدا انسي موضوع الرايش ده بس محتاجه تتشحم انا عن نفسي شحمتها من غير ما افكها كلها و نقطت نقطتين زيت موتور سيارات في الكانون حتطلع دخان شويه و صوتها يعلي و بعد كده تتظبط و جلبة بيت الرش انا غيرتها بعد فتره الجلبه الجديده احسن من اللي بتيجي بيها و تمنها 10 جنيه و تغيرها كمان 700 ولا 800 رشه حسب الحاله (اللي انا كاتبه ده نتيجة تجربة و سؤال الزملاء المحترمين من اهل الخبره و لو شايف فيه حاجه غريبه او حد قالك رأي تاني اعمل الرأي التاني) و نصيحه لو اول مره تفك بندقيه و معندكش خبره متفكهاش انت اول مره خلي حد يفكهالك و اتعلم منه عشان في قطع صغيره مهمه ممكن تضيعها و لو حاولت تغير السوسته مش حتعرف تقفلها و ممكن تتعور عشان سوستة الشادو 1000 تقفيلها صعب عشان اطول من السوسته الاصليه , و نصيحه اخيره متفكرش تضرب بيها و وراك ناس عشان الرشه بتجيب مسافات انت مش متخيلها و في المسافات القريبه الرشه بترد بغبااااء لو ضربت علي حاجه ناشفه زي حيطه او حاجه حديد جامده وعلي طول خليك حاطط الامان و تنزله وانت بتضرب بس

سعادة الباشا ممكن تقولي اجيب السوستة و جلية بيت الرش منين عشان انا مش عارف؟
و شكرا على النصائح الغالية