محدش يعرف الاقي فين الحاجات دي

[hell007_hell]

شوف يا زعيم ............

عليك و على اول حارة اليهود من عند جامع البنات فى الموسكي

شوف يا زعيم علشان ما ينضحكش عليك

البطارية البازوكة 25 صاروخ تمنها لا يتعدى 7.5 جنيه ...... وخدبالك فى منها مقاس صغير 4x4 ( 16 صاروخ بس لازم تفرق بين الاتنين لان الصغيرة سعرها اقل

الكونو ( قرطاس لذيذ بتحطه على الارض و تولع طرفه بيطلع نافورة شرارة لحد 2 متر و نص ) كله بقي مضروب و سكة و هتلاقيه تقيل ( بيبقوا حاطين فيه من تحت عجينه اسمنت و مغطيينها بورقة كوريشة لونها موف ) ابعد عنه

المواسير ( الكرنفالات الىى بتطلع فى السما و بتفرش ) بتبقى ماسورة بتولع طرفها و بيطلع منها 8 طلقات كل طلقة بيتفرش فى الجو بشكل و صوت رااااااائع
احسن نوع فيهم اسمها الكريسماس ( بيبقى فى القاعدة بتاعتها قمع بلاستيك اسود عشان لو هتمسكها او هتغرزها فى الارض ) .......... سعرها لا يتعدى ال20 جنيه ( عشرين جنيه ) وهتلاقى ناس بتقول لك 40 جنيه فكك منهم ..... واول ما تمسكها شوف بوذها لو اول طلقة فيها غطساااانة جامد لجوة اكتر من ال 10 سم ( طول اكبر صباع فى الكف يبقي وارد انها مش 8 ضربات وبتبقى اقل ..........

التورتاية مقاسات و سعرها بيبقى فى حدود 35 جنيه ........

و خد بالك فى صواريخ كتير شكلها يقول لك انها هتقلب الفرح ........ وفى الاخر بتطلع ورق زينة وشرايط ورق

نصيحة مجرب ...... خليك فى اللى انا قولتهم

ووانت بتولع الصاروخ لازم تفضل ترُج فيه عشان اللى يطلع منه يطلع للسما ما يميلش و لا يسقط

و تخليك ورا الصاروخ اول ما تولعه و ما ترميهوش الا لما تلاقيه طفى تماما و الدخان بتاعه وقف ( لسلامتك )