صيد سمك في الساحل الشمالي ومرسى مطروح...... ممكن؟؟

[bodygard 34]

لو حتصطاد من على الشط (coasting) حتحتاج عود طويل(تلسكوب)مش اقل من 4 متر ومكنه الحله بتاعتها كبيره عشان تشيل كمية خيط كبيره مع رصاصه وزنها معقول(حسب شدة الموج) عشان تعرف تحدف اطول مسافه ممكنه

[bravo]

المشاركة الأصلية كتبت بواسطة bodygard 34

لو حتصطاد من على الشط (coasting) حتحتاج عود طويل(تلسكوب)مش اقل من 4 متر ومكنه الحله بتاعتها كبيره عشان تشيل كمية خيط كبيره مع رصاصه وزنها معقول(حسب شدة الموج) عشان تعرف تحدف اطول مسافه ممكنه

متشكر لحضرتك ولاهتمامك ومعلوماتك، يعني كدة اتوكل على الله واشتري صنارة تليسكوب 4 متر، واطلب حلة كبيرة عشان تشيل خيط طويل، طيب الرصاصة دي أطلب وزن كام يعني وآسف إن كنت بدوشك.. ولو أنواع أو اسامي كويسة
وربنا يباركلك

[bodygard 34]

المشاركة الأصلية كتبت بواسطة bravo

متشكر لحضرتك ولاهتمامك ومعلوماتك، يعني كدة اتوكل على الله واشتري صنارة تليسكوب 4 متر، واطلب حلة كبيرة عشان تشيل خيط طويل، طيب الرصاصة دي أطلب وزن كام يعني وآسف إن كنت بدوشك.. ولو أنواع أو اسامي كويسة
وربنا يباركلك

زى ماقلت لك لو الموج هادى حط رصاصه مقاس 2 لو متوسط حط مقاس 3 لو شديد حط مقاس 4..بالنسيه للمكنه هات بانكس كورى او فايكنج او اوموتو تايوانى ..وفى برضه منهم مقاسات شوف اللى يناسبك فيهم ايه..واى استفسار تانى انا تحت امرك ولو ان خبرتى كلها بحر احمرمش بحر ابيض..فمش حاقدر افتى لك فى انواع الطعوم اللى بتشتغل عندكوا.. اضافه مهمه استخدم خيط مش اكتر من مقاس 50 ومش اقل من40 عشان الخيط مايفكش من المكنه ويقرفك ..والترميل(الجزء المربوط فيه السن يكون خيط 30 )