رجاء من تجار المنتديات و الاعضاء القادرين على الاستيراد

[ebrahem]

نتكلم بموضوعية.. واحد جايب من برة بندقية ديانا 56 مثلا وتمنها فى الخليج يعادل 3750 جم مصرى والراجل عندة مخاطرة مصادرة الشىء يبقى مش حرام لو عرضها بمكسب 100% تبقى 7500 جم كويسين عليها لكن الى بيحصل انو بيبيعها لتاجر والتاجر شغلتة انو يعرض الحاجة بأقصى مبلغ يمكن دفعة فيها طبقا لتقديراتة وخبرتة فتلاقية يوصلها ل9 آلاف جنية بدم بارد ولما الزبون يفاصلة ينزل مية ولا ميتين جنية حلف فيهم عشر حلفانات انو عملة واجب كبير وخدمة العمر .. وطبعا التاجر الناصح الى بيشتغل فى النور والحاجة بتجيلة بسعر مقارب للخليج قول زايد 40% لو حط عليهم كمان 30% على السعر الرسمى يبقى هيكتسح.. بس مش كل التجار أول يد تلمس البضاعة ومش كلهم أذكياء ومش كل التجار بيبصوا لمصلحة الزبون من الأساس.. الى هيا مفتاح الخير على فكرة..