حصيلة اليوم ضاعت..ضاااااااعت ...ضاااااااااااااعت

[أبو صفية]

يلا خير تعيش و تاخد غيرها دول من نصيب صاحب التكتك ربنا يعوض عليك و بالهنا و الشفا للى حيكلهم أنا حصلى موقف زى دا بس من زمااااااااان كنت بصيد فراخ مية من بحيرة المنزلة جمبنا و دى عشان أروحها كنت بمشى فى طريق زراعى بالعجلة يجى ساعة بالليل و الحمد لله ربنا رزقنى فى حدود 18 حبة مش فاكر بالضبط بس دى كان أول ما بديت أجيب أعداد كتير و مروح مبسوط بالعجلة و كنت واخدهم فى شنطة بلاستيك و مروح فى حدود 2 بالليل و الطريق كله كلاب و مطبات و طبعا أنا خايف و بجرى بالعجلة و الكل يعرف رجلين فراخ المية زى السكاكين روحت و معايا حبتين و الباقى كانو من نصيب الكلاب الشنطة إتقطعت من رجليهم ما فضلش غير إتنين متعلقين فى الشنطو و طبعا يوميها كلاب السكك كانت بتجرى ورايا يشكرونى و أنا بجرى خايف منهم

[القبطان المصرى 77]

المشاركة الأصلية كتبت بواسطة أبو صفية

يلا خير تعيش و تاخد غيرها دول من نصيب صاحب التكتك ربنا يعوض عليك و بالهنا و الشفا للى حيكلهم أنا حصلى موقف زى دا بس من زمااااااااان كنت بصيد فراخ مية من بحيرة المنزلة جمبنا و دى عشان أروحها كنت بمشى فى طريق زراعى بالعجلة يجى ساعة بالليل و الحمد لله ربنا رزقنى فى حدود 18 حبة مش فاكر بالضبط بس دى كان أول ما بديت أجيب أعداد كتير و مروح مبسوط بالعجلة و كنت واخدهم فى شنطة بلاستيك و مروح فى حدود 2 بالليل و الطريق كله كلاب و مطبات و طبعا أنا خايف و بجرى بالعجلة و الكل يعرف رجلين فراخ المية زى السكاكين روحت و معايا حبتين و الباقى كانو من نصيب الكلاب الشنطة إتقطعت من رجليهم ما فضلش غير إتنين متعلقين فى الشنطو و طبعا يوميها كلاب السكك كانت بتجرى ورايا يشكرونى و أنا بجرى خايف منهم

ماهى المشكله يابو صفيه ان كل الصيادين تقريبا مش بيصطادو لنفسهم وبس
فيه اللى بيتعب ويصطاد وفى الاخر القطط والكلاب تسرقه منه
وفيه اللى بيتعب ويصطاد ويوزع على الجيران
وفيه اللى بيتعب ويصطاد ويوزع على اهله واقاربه
واحنا م بينوبنا فى الاخر غير حب الهوايه
وده يكفينا والله