كولت امريكي

[realfighter]

المشاركة الأصلية كتبت بواسطة smsm2020

بسم الله الرحمن الرحيم

اولا انا امتلك مسدس حي مرخص كولت امريكي موديل كومبات كوماندر وعايز اسال حضراتكم علي شوية حاجات وياريت الافاده علشان انا مينفعش اسال اي حد وعندنا منتدي اسمه منتدي الصيد في مصر بما فيه من الخبراء
1_ لو عايز اصبغ المسدس يكون عند مين وياريت مش اي حد

2_ النيكل افضل ام الاسود

3_الصبغة السودا يتكون زي صبغة المصنع ولا بتكون مكشوفة وظاهرة لاي حد يمسك المسدس

4_ عايز خزنة للمسدس

5_بدون مجاملة ايه رأيكم في هذا المسدس ؟

6_في تقديركم يساوي كام في ظل الظروف دي ؟


وشكرا

السلام عليكم ورحمة الله
ممكن قوى تصبغ المسدس مافيش مشاكل وهيطلع ممتاز بس ده بيتوقف على نوع الصبغة والشخص اللى هيصبغة بالنسبة لنوع الدهان فى نوع ممتاز اسمه سوبر بلو امريكى بس مش عارف بصراحه ده موجود فى مصر او لا بس انت ممكن تسال عند بتوع الاسلحة لو انت اللى هتصبغ او انك توديه لحد من بتوع ورش الاسلحة يصبغهولك عشان فى الاول لازم يفكه قطعة قطعة ويبعد الاجزاء الداخلية عن عملية الصبغ لان المستحضر هيضر السلاح فى حال طلاء الاجزاء الداخلية وانت اكيد عارف انها بتكون بمقاسات محسوبة بدقة حتى اجزاء من الملى
وبما انك ما شفتش عملية الصبغ عملى فانصحك توديه لورشة السلاح ونصيحة اخرى تساله عن نوع الصبغ اللى هيستخدمه ولو مش عنده النوع اللى قلتلك عليه ممكن تساله تشترهوله منين عشان يصبغلك بيه ومش مشكلة لو اتكلفت شوية المهم السلاح يطلع مظبوط
وانا شخصيا بعشق التنكيل ولو هتنكله يبقى اكيد لازم تروح بيه على ورشة الاسلحة لانه لازم يتفك كما فى حالة الصبغ بس كمان تنبه عليه انك عايز فنش عالى وتقله الدرجة اللى بتفضلها
وبالنسبة لافضل الورش واماكنها فالناس هنا هتفيدك اكتر منى لانى برا مصر
واسف على الاطالة
وتقبلوا مرورى