ليه البرونى ٩٢ مش موجود ؟؟

[mada00eg]

انا عاوز اسئل
هل فعلا المحلات مش بتوافق تبيع المسدس الصوت لاى حد؟

[eng_desprado]

ازيكم يا جماعة .. اخيرا رجعت القاهرة الحمد لله .. المهم انا نزلت الف على المحلات ادور على البرونى 92 ال 9مم ملقتش نهائى فى اى مكان .. اللى لقيته كان 8مم بس .

المهم انا شفت البرونى 92 ال 8مم و جنبه الايكول فرات ماجنوم ال 9مم .. و بصراحة فرق شاسع فى الشكل و الوزن و الفينش لصالح البرونى طبعا.

انا مكانش عندى مشكلة فى الفلوس لو كنت لقيت البرونى ال 9مم .. لكن لما ملقتش بقى قدامى اختيارين اما البرونى ال 8مم او الفرات ماجنوم ال 9مم

دلوقتى انا عندى كذا سؤال :

1- هل ممكن اغير عيار المسدس البرونى الصوت ال 8مم الى 9مم ؟؟ هل فيه فرق فى حجم الخزنة ؟؟ هل ممكن اوسع الشامبر او بيت النار عشان يستوعب ال 9مم ؟؟ انا طبعا باتكلم عن تحويل من صوت لصوت برضه مش من صوت لحى.

2-هل اى حد من الاخوة الاعضاء يعرف مكان موجود فيه البرونى 92 ال 9مم ؟؟

3- لو ملقتش ايه رأيكم ؟؟ اجيب البرونى ال 8مم ولا الفرات ماجنوم ال 9مم ؟؟ انا فعلا محتار يا جماعة .. ساعدونى

[بدر]

المشاركة الأصلية كتبت بواسطة eng_desprado

ازيكم يا جماعة .. اخيرا رجعت القاهرة الحمد لله .. المهم انا نزلت الف على المحلات ادور على البرونى 92 ال 9مم ملقتش نهائى فى اى مكان .. اللى لقيته كان 8مم بس .

المهم انا شفت البرونى 92 ال 8مم و جنبه الايكول فرات ماجنوم ال 9مم .. و بصراحة فرق شاسع فى الشكل و الوزن و الفينش لصالح البرونى طبعا.

انا مكانش عندى مشكلة فى الفلوس لو كنت لقيت البرونى ال 9مم .. لكن لما ملقتش بقى قدامى اختيارين اما البرونى ال 8مم او الفرات ماجنوم ال 9مم

دلوقتى انا عندى كذا سؤال :

1- هل ممكن اغير عيار المسدس البرونى الصوت ال 8مم الى 9مم ؟؟ هل فيه فرق فى حجم الخزنة ؟؟ هل ممكن اوسع الشامبر او بيت النار عشان يستوعب ال 9مم ؟؟ انا طبعا باتكلم عن تحويل من صوت لصوت برضه مش من صوت لحى.

2-هل اى حد من الاخوة الاعضاء يعرف مكان موجود فيه البرونى 92 ال 9مم ؟؟

3- لو ملقتش ايه رأيكم ؟؟ اجيب البرونى ال 8مم ولا الفرات ماجنوم ال 9مم ؟؟ انا فعلا محتار يا جماعة .. ساعدونى

الاخ الكريم
انا لسة شايف البرونى ال8مم وهو مسدس ممتاز لسة اخ فاضل جايبة وشفتة معاة ممتاز وعلى فكرة ال8 مم فرقة بسيط عن ال9مم فى الصوت
وفعلا ذى ما قلت المقارنة مع الايكول لصالح البرونى
عملية تعديل المسدس لل 9 مم مش سهلة ذى ماحضرتك فاكر لاسباب كتير منها ان خامات المسدس لا تصلح للخرط مثلا لانها سبائك ضعيفة ومكان تثبيت الطلقة والخزنة يعنى وش فلو انت مقتنع بالبرونى اتكل على الله وعلى فكرة مش موجود منة ال9مم. تحياتى

[eng_desprado]

الاخ الكريم بدر

شكرا على استجابتك السريعة .. و فعلا انا مقتنع بالبرونى عن الايكول .. لكن ليا سؤال حابب نتناقش فيه:

1- لو فعلا خامة البرونى ال 8 مم اضعف من انها تتحمل عيار 9 مم ليه وزن البرونى اتقل كتير من الايكول ؟؟ انا بصراحة مركزتش كتير فى ماسورة البرونى عشان كده مش متأكد تنفع تتوسع ولا لأ .. لانها لو زهر مثلا مش هينفع فعلا تتخرط .. لكن اللى اقصده ان الايكول بالتأكيد صلب عادى فمش هنقول مثلا انه سبيكة اقوى و وزنها اخف زى مسدسات سبائك الالومنيوم مثلا .. معنى ان المسدسين صلب و ان واحد وزنه اتقل من التانى انه تحمله اقوى .. هل انا غلطان او ناسى حاجة ؟؟

2- الاخ الفاضل اللى جابه اشتراه منين و بكام لانى شفت سعرين ليه ؟؟ و ياترى الطلقة ال 8مم بكام ؟؟ و هل فيها انواع زى ال 9مم ؟؟

3- ليه منزلوش منه 9مم و ريحونا )

شكرا على التفاعل و تقبل تحياتى ..