سوال للخبرا اتمنى الاجابة عليه

[eng.amg]

السوستة مظبوطة فعلا..

عموما كبيرة أو صغيرة لا تقاس بطول القديمة والجديدة. فقط بعدد الحلقات وأن البندقية تعمر بعد ما تركب السوستة الجديدة. لأنها لو أكبر مش حتعرف تعمرها.

حضرتك عد الحلقات بتاعة السوستة الجديدة المفروض يكونوا 44 حلقة

وشيئ طبيعي تكون السوستة الجديدة أكبر في الطول لأن القديمة بتكون لمت مع الإستخدام.
معلش هيا حتغلبك شوية في التركيب وممكن تحتاج منجلة.

[فوكس]

اشكر الجميع على سرعة الرد .
المشكلة ان السوستة الجديدة اسمك من القديمة .
لكن مكتوب عليها انها تركب للباتريوت والديانا ماجنوم .

[adel152]

المشاركة الأصلية كتبت بواسطة فوكس

اشكر الجميع على سرعة الرد .
المشكلة ان السوستة الجديدة اسمك من القديمة .
لكن مكتوب عليها انها تركب للباتريوت والديانا ماجنوم .

أخى العزيز بعد التحية.
االسوست التايتن أو الاوكس بتكون مقاسات القطر الخارجى مناسبة للأستعمال مع البنادق المعلن عنها من الشركة. لكن فى كثير من الاحيان بتكون فيه أختلاف فى الاطوال ولذلك فى كثير من الاحيان قد تحتاج أن تقطع منها بعض الحلقات.
فمثلا السوستة اللى حضرتك أشتريتها ts014 يمكن تركيبها فى الماجنوم والباتريوت لو فرضنا أن كانون البندقيتين بنفس القطر لكن الباتريوت الكانون أطول من الماجنوم فالشركة بتعمل سوستة واحدة لأن البندقيتين لهم نفس القطر والسوستة تركب مباشرة فى الباتريوت بدون تعديل لكن يجب قص بعض الحلقات حتى يتم تركيبها فى الماجنوم.
الطريقة المتبعة من الخبراء فى الخارج لتركيب هذه السوست هى محاولة تركيبها زى ماهى فى البندقية ثم تجربة اذا كان البستم سوف يعلق فى مجموعة الزناد. لو علق خير وبركة لو لم تستطيع تعليق البستم فى مجموعة الزناد معنى كده أن السوستة طويلة وتبدأ فى قطع حلقة حلقة حتى تصل الى الطول المناسب المطلوب لبندقية حضرتك.
انا عارف أنها عملية شاقة حتى تصل الى النتيجة المطلوبة لكن للأسف هى دى الطريقة الوحيدة المستخدمة فى الخارج مع هذه السوست.
خالص تحياتى.