رد: تسقيط من كوبري ستانلى
اقتباس:
المشاركة الأصلية كتبت بواسطة tarekabasy
اهلا بيك مع الناقد الفنى طارق العباسى
ونقول الو
بص يا سيدى كويس ان عندك العزيمة انك تخرج لوحدك تصطاد
دى ميزة حلوة قوى
عنب كدة
بص بقا
لازم تخرج بطاقية صيادين
طاقية سويسى مدورة اكبر تدويرة تلاقيها عشان تغطى كتافك ورقابتك وقفاك
بدل ماتخرج تصطاد ترجع شيبوب البادية
واول ما يفتحولك الباب يقولولك يا عبد
ماينفعش تلبس نص كم ابدا دراعاتك تتحرق
البس قمصان بيضا بكم فوقها صديرى مثلا
مماينفعش تلبس نضارة شمس وانت بتصطاد
لازم تشوف كويس انت خارج تصطاد والا تتعايق
ماينفعش تخرج تصطاد بشورت
هتبهدل نفسك شمس وممكن كمان تجاريح
ماينفعش تخرج تصطاد بالكوتش الجديد
خصص كوتشياتك القديمة والحاجات اللى موضتها بطلت للصيد
ماينفعش تسند العود على حرف الكوبرى كدة هتبوظة
لازم يكون معاك ايس بوكس او عياشة
عشان لما تصطاد ماتبوظش السمك
لازم تسقع ازازتين تلج تاخدهم معاك للشرب
لازم الفطار يكون فول وطعمية وجبنة قديمة وليمون معصفر وبصل
عشان يمدوك بالأملاح اللى هتفقدها فى الحر بدل ماتاخد ضربة شمس ويجيلك غيبوبة
لازم حاجتك تبقا قدامك مش وراك عشان ما تتسرقش
لما تصور السمك اللى اصطدتة تحط جنبة حاجة توضح مقاسة
قزازة حاجة ساقعة صاروخ او قزازة بلاستيك لتر او علبة كانز
السنون اللى انت راميها فى الطبق دى ماتنفعش
لازم السنون تبقا ناشفة
واللى تستخدمة بس هو اللى يتبل عشان ماتصديش منك
يا عالم هتطلع تصطاد تانى امتة
ضرورة شراء علبة صغيرة تكون بخانات تشيل كل مقاس سن لوحدة
لازم تخرج مع صياد خبير راجل قديم
يكون عجوز وقريب من محل سكنك
تلازمة وترافقة مش اقل من سنتين هيعلمك الصيد صح
واية اللى هيخلى صياد عجوز بيعرف يصطاد ممتاز ياخدك معاة؟؟؟؟
شوف انت بقى......اعمل معاة اى واجب تقدر علية خلى الفطار على حسابك
الساقع الشاى
المواصلات
المهم تلزق فية وماتسيبوش يمين شمال معاة
لازم تتعلم الصيد كويس جدا عشان لما تصطاد سمك حلو تبقى تعزمنى ههههههههههه
وفى النهاية مجهود جميل من صياد واعد
وماتنساش لما تبقى صياد كويس ومحترف تبقى تفتكرنى بالخير
تحياتى
|
السلام عليكم ، ايه ده كله دا مش انا لوحدى الى بيحب الفزلكه ، اسمع منه الراجل ده خبرة فعلا وبالتوفيق فى المرات الجاية بإذن الله .
__________________
قال الله تعالى فى اواخر سورة الكهف ( قُل هَل نُنَبِّئُكُم بِالأَخسَرينَ أَعمالًا ﴿103﴾ الَّذينَ ضَلَّ سَعيُهُم فِي الحَياةِ الدُّنيا وَهُم يَحسَبونَ أَنَّهُم يُحسِنونَ صُنعًا ﴿104﴾ أُولـئِكَ الَّذينَ كَفَروا بِآياتِ رَبِّهِم وَلِقائِهِ فَحَبِطَت أَعمالُهُم فَلا نُقيمُ لَهُم يَومَ القِيامَةِ وَزنًا ) صدق الله العظيم
محمد مصطفى ( فضيل )
|
13-04-04, 01:03 AM
المواضيع المتشابهه
العرض الشجري