البوظة على طريقة العباسى

[tarekabasy]

المشاركة الأصلية كتبت بواسطة abo amar

هقولك يا طارق على موقف بنص مليون جنيه دخلت السجل المدنى بتاع مدينه نصر يوم السبت اللى فات الساعه 1.30 ظهرا كده اعمل شهاده ميلاد لبنتى علشان اقدملها بيها فى المدرسه لاقيت المكان مفيهوش حد خالص غير الموظفين انا قولت قفلو سالت الموظف ايه يا ريس قفلتو بدرى انهارده قلى لا اتفضل عاوز ايه دخلت على الموظفه اللى قاعده على الكمبيوتر قولتلها على طلبى وقعدت تدور على الكمبيوتر وبتاع لاقيت موظف تانى جاى عليها ماسك ازازه كده فيها عصير وبيصبلها شويه فى الكوبايه كان اليوم ده حر جدا فانا ابن نكته قولتله متجيب يعم شويه عصير جوافه الدنيا حر قالى يا باشا عنيا والله بس ده مش عصير جوافه قولتله امال ايه قالى بوظه الراجل لاقانى بضحك من غير سبب سالته تانى بتقول ايه بوظه قالى اه يا باشا فى حاجه فانا علشان ملتحى وكده قالى هتقولى بتسكر وبتاع قعدت اضحك تانى بس اطول من الاولانى قولتله لا لا خالص يعم قالى على فكره ومش زى منتا بتسمع مش معموله من العيش المعفن ولا حاجه قعدت اضحك تالت بس اكتر من الاولانى والتانى قولتله انت عاملها ازااى منا راجل بقيت بووووووووووووووويظ كبير بقى يا برنس قالى عملتلها كده كده كده كده وقالى الطريق قولتلو لالالالالالالالالالا يا حاج تعالى بقى هاتلى ورقه وقلم وفتحلى مخك قولتلو اولا دوقنى اللى انت عاملها كده راح دوقهالى لاقيتها ميا وعليها شويه خميره مش اكتر من كده ده اللى انا استنتجته من الطعم لما حكالى قالى ميا وبنحط عليهم خميره فوريه وسكر بس كده طلع استنتاجى من التذوق صح قولتلو لا يا حاج خد بقى الطريقه الصحك ونسيت شهاده الميلاد ونسيت انا جاى اصلا السجل المدنى اعمل ايه وقعدت بقى اشرحله يا معلم ناس دخلت تعمل حاجه فى المكتب لقت الموظفين كلهم كل واحد جايب ورقه وقلم وسايبين الشبابيك وبيكتبو طريقه البوظه هههههههههههههههههههههههههههههههههههههههههههههههههه هههههههههههههههه افتكرتك والله وقولت الله يمسيك بالخير يا حاج

هههههههههههههههههههههههههههههههه
يا باشا عيب عليك
البوظة سر من الأسرار الحربية
جرب كدة تسأل اى بتاع بوظة على الطريقة هيتوهك او يقفل بقة ويسكت
ودا اللى دايقنى وخلانى انخرب لما وصلت للطريقة

والبوظة فعلا ليها شعبية كبيرة جدا جدا جدا
وطبعا الموظفين قرروا يعملولك مقام فى وسط المكتب ههههههههههههه

المهم تكون خلصت المصلحة وعملوا معاك الواجب

المهم انك افتكرتنى يا باشا بالخير

قولى بقا اللى انت عملتها كيفتك وملت دماغك زى اللى بتشربها عند المحترفين والا لا

بدل ما تشرح لحد الطريقة قولهم ادخلوا على النت ودوروا فى جوجل ويكتبوا ............البوظة عباسى
بس وهم يوصلوا للموضوع دة والشرح بالصور والتفاصيل

تحياتى يانجم

[abo amar]

[QUOTE=tarekabasy;504416]هههههههههههههههههههههههههههههههه
يا باشا عيب عليك
البوظة سر من الأسرار الحربية
جرب كدة تسأل اى بتاع بوظة على الطريقة هيتوهك او يقفل بقة ويسكت
ودا اللى دايقنى وخلانى انخرب لما وصلت للطريقة

والبوظة فعلا ليها شعبية كبيرة جدا جدا جدا
وطبعا الموظفين قرروا يعملولك مقام فى وسط المكتب ههههههههههههه

المهم تكون خلصت المصلحة وعملوا معاك الواجب

المهم انك افتكرتنى يا باشا بالخير

قولى بقا اللى انت عملتها كيفتك وملت دماغك زى اللى بتشربها عند المحترفين والا لا

بدل ما تشرح لحد الطريقة قولهم ادخلوا على النت ودوروا فى جوجل ويكتبوا ............البوظة عباسى
بس وهم يوصلوا للموضوع دة والشرح بالصور والتفاصيل
يا باشا انا عاوز اقولك بعديها فيه موظف هناك ادانى رقمه وقالى لو احتجت اى حاجه اتصل بيا وانا اندهشت من اهتمامهم بالشكل ده بموضوع البوظه انا عملتها فى البيت وطلعت حلوه بس كان العيش مش ابيض كانت غامقه شويه بس فى المجمل كانت تقدر تقول 75 فى الميه من طعم بتوع البوظه