تعديل الصوت الي (تم بنجاح)

[mohreda]

أخى الفاضل / التحذير اللى انت كاتبه فوق ده ملوش لازمة - بكل تأكيد انت عليك مسئولية انسانية فى اللى انت بتقوله ده - انت بتسهل على اى واحد انه يحصل على سلاح حى - معنى ذلك انك بتحرض وبتسهل استعمال سلاح حى فى وقت كل الناس خايفة وعايزه حاجة تحميها وان كنت اشك ان سلاح حى حيحمى حد فى الوقت ده والدليل على كده اننا ماسمعناش خالص خلال الفترة المضطربة دى ان فى واحد معاه سلاح حى دافع بيه عن نفسه - ظباط مرخص لهم سلاح ومرخص لهم الضرب بيه أكثر من اى شخص عادى ومع ذلك اتبهدلوا ولم يحميهم - وتأكد ان اى واحد ممكن يقتل بسلاحك المعدل ده - انت المسئول
الناس المحترمة اللى خايفة فى الوقت ده باقولهم ان دى فترة مؤقته البلد بتعيشها وحتنتهى قريبا - خذوا احتياطتكم ( مش بالسلاح الحى لأنه فى المواجهة مع اتنين تلاته مش حيحمى - وفى الغالب البلطجية دلوقتى بيبقوا مجموعة ) ولكن ماتخرجوش متأخر ولا شارع مظلم أو مقطوع
وتوكلوا على الله - اللى بيحصل ده ياجماعة حيضر ناس كتير - أحنا مش فى غابه حتى لو بعض الناس شايفينها كدة دلوقتى - بلاش نزودها.

للأخ صاحب الموضوع / اللى أخترع القنبلة الذريه كان برضه بيقول (مادة علميه)

أرجو ان ماحدش يزعل منى ياجماعة لكن انا رايى ان ده نوع من الإفساد فى الأرض

كلامك مضبوط
و لكن من حق الانسان حماية نفسه و اسرته و ممتلكاته اخي العزيز
و في ظل الغياب الامني و مناشدة الجيش في احد الايام للمواطنين بحماية ممتلكاتهم و هو يوم السبت الاسود اللي طلع فيه البلطجية و الحرامية
كان المفروض ان الناس هتحمي نفسها ازاي يعني "" انا لحد دلوقتي مش فاهمها ""
بسكاكين المطبخ ولا عصيان المكانس

حتي الان هناك انفلات امني شديد و الشارع خدعه كبيرة
و الشعب المصري اللي انا واحد منهم مسالم بطبيعته و دايما سايبها علي ربنا و عمره ما فكر في استخدام العنف او السلاح وديه كانت المشكلة انه اصبح اعزل كليا و لم يتوقع مجيء هذا اليوم
وربما لم تصادفك شخصيا اي مواقف في تلك الظروف دفعتك لاقتناء سلاح او محاولة حماية نفسك

اضعف الايمان اني انام في بيتنا و عندي احساس انه عندي ما يمكنني من الدفاع عن اسرتي و لا حضرتك ايه رايك؟

[ahmedamr80]

إخواني،
أنا جديد في موضوع السلاح ده ومبفهمش حاجة تقريباً فيه، ولكن كما ترون أنا الآن عضو في هذا المنتدى المحترم !!!
الحقيقة هذا يدل على أن واحد مثلي -كان أخرة يلعب دووم على الكمبيوتر- يظل يبحث في الأنترنت عن سبل إقتناء سلاح حي بدون الحاجة إلى ترخيصة.
هذا طبعا لأني في غاية القلق على أسرتي في ظل الظروف الحالية.
وللأسف أنا مقتنع برأيكم أنتم الأثنين ولا أمتلك إلا أن أدعو الله سبحانة وتعالى أن يحفظنا جميعاً.

فقط أريد أن أنوه أن حتى طريقة إختلافكم حضارية ومحترمة وهذا شيء عظيم.