منين اشترى الطلق ال 9mm الألمانى؟؟

[بدر]

المشاركة الأصلية كتبت بواسطة kefou

السلام عليكم..

انا لسة شارى مسدس bruni p4 و كنت سمعت ان الطلقات التركى مش كويسة.. هية ليه مش كويسة؟ انا طربت بية حوالى 10 طلقات لحد دلوئتى, فى مشكلة كدة ولا لأ؟؟ انا جربت انظفة, شديت الأجزاء وسبتها بالزرار اللى فالجنب و بعدين مسحت عند مكان الأبرة بتاعد الضرب بقماشة وبعدين حطيت نقطة زيت و قفلته تانى, كويس كده ولا ايه؟؟ و منين اشترى الطلقات الألمانى وبكام؟؟

معلش انا أسئلتى كتير علشان انا لسه مبتدئ, وشكرا

الاخ الكريم
معلش هتتعب معانا شوية وياريت يكون تنظيف السلاح ذى حصة الالعاب طبعا فاكرها
يعنى حضرتك تقفل عليك الحجرة وتنور اللمبة الحمرا لو معندكش يبقى تحط يافطة .......
استحملنى شوية دى حصة الالعاب
اهم حاجة فى تنظيف السلاح خصوصا مع الطلقات التركى المهببة ومعلش لانها بتهبب المسدس انك تشيل على قدر الامكان ترسبات الكربون لانها بتأثر بشكل سئ على المسدس يعنى بالبلدى كل ماتسيبها هتترسب وتعمل خشونة فى اجزاء المسدس وخصوصا بيت النار اللى هوا اول الماسورة مكان اللى بتبات فية الطلقة دة لازم يتنظف كويس باستخدام فرشة اسنان واسبراى مزيل الصدأ
وبعد كدة حمام زيت لكل اجزاء المسدس المتحركة
بعد كدة هتنشفة بفانلة قديمة بس تسيب شوية زيت على الجسم من الخارج
وبعدين هتكلفتة فى كيس بلاستيك
وطبعاهتشيلة فى الدولاب بتاع حضرتك
وطبعا انت كرهت حصة الالعاب
بس اكيد حبيت تنضيف المسدس
تحياتى