الاشارة الوحيدة التي ذكرت بشكل صريح وجود سلاح نووي في مصر

[LEGION]

المشاركة الأصلية كتبت بواسطة mbadr

++++++++++++++++++++++++++++1
وارد جدا وانا فاكر كويس ان فى خطاب الرئيس السادات الله يرحمه فى مجلس الشعب بعد الحرب قال نصا

وهاهو عمقهم معرض اذا تصوروا ان فى استطاعتهم تخويفنا بتهديد العمق العربى
وربما اضيف لكى يسمعوا فى اسرائيل
اننا لسنا دعاة ابادة كما يزعمون
اننا لسنا دعاة ابادة كما يزعمون
ان صواريخنا المصرية عابرة سيناء من طراز ظافر موجوده الان على قواعدها
ان صواريخنا المصرية العربية عابرة سيناء من طراز ظافر موجوده الان على قواعدها
مستعده للانطلاق باشارة واحده الى اعماق الاعماق فى اسرائيل
ولقد كان فى وسعنا منذ الدقيقة الاولى للمعركه ان نعطى الاشارة ونصدر الامر
خصوصا ان الخيلاء والكبرياء الفارغه اوهمتهم باقدر مما يقدرون على تحمل تبعاته
لكننا نقدر مسئولية استعمال انواع معينه من السلاح ونرد انفسنا بانفسنا عنها
وان كان عليهم ان يتذكروا ما قلته يوما وما زلت اقوله
العين بالعين والسن بالسن والعمق بالعمق

كلام حضرتك سليم جدا و أنا متفق معاك
لكن صواريخ سكود بي إللي كانت موجودة في مصر وقت حرب أكتوبر
مداها 220 كلم فقط
مدي كلي قياسي للصاروخ
ما يعرف بطول الرحلة
يحذف منها زمن المناورة و زمن التسلق و الهبوط
نحصل علي مدي فعلي للسكود بي 198 كلم
أخر مكان قدرنا نوصله في سيناء أثناء حرب أكتوبر
يبعد عن تل أبيب 488 كلم
و لو فرضنا موضوع إنها تنطلق من بورسعيد
هنلاقي المسافة 589 كلم
يعني في كل الأحوال مفيش حاجة هتوصل تل أبيب
يبقي البديل ضرب مستوطنات في المنطقة ما قبل الجليل
و دقة توجيه السكود بي في الوقت ده كانت بمعامل خطأ 28 متر لكل 20 كلم
معامل خطأ كلي في أقصي فرضية
يعني لو تم إستهداف مستوطنة تبلغ مساحتها 3 كلم مربع
الصاروخ هيقع بعيد عنها بـ 324 متر
الحقيقة الواضحة إن صواريخ سكود بي هي صواريخ للضرب المساحي
و ليست صواريخ موجهه
و رأيي الشخصي بناء علي خلفية في التاريخ العسكري
و قراءه جيده في العلوم العسكرية
و حسابات المنطق و العقل المذكوره في ردي هنا
كلام الرئيس الراحل السادات كان مجرد تهويش
يا صاب يا خاب

و أخيرا لتوضيح وجهة نظري كاملة
مفيش حاجة أصلا إسمها الصاروخ ظافر

ده كان مشروع أيام عبد الناصر و إتوقف لنقص التمويل
و حتي لو مكنش إتوقف فهو مبني علي نسخة طبق الأصل من سكود بي
يعني ينطبق عليه نفس الحسابات الموضحة عاليه
كما إن تخزين و تشغيل الرؤوس النووية يحتاج إلي تجهيزات مكلفة للغاية
و تستغرق وقت طويل جدا
و تحتاج لكوادر مدربة للتعامل معها و حراستها

أنا شخصيا أري أنه لحسن الحظ أنه لم يكن هناك مغامرين معاتيه في موسكو أو القاهرة
لخوض تجربة إرسال رؤوس نووية لمصر وقت الحرب
فالنتيجة كانت ستكون حرب عالمية ثالثة
و دمار للدولة المصرية لن تقوم بعده أبدا

إحنا إنتصرنا في حرب أكتوبر نصر عظيم لا ينكره إلا جاحد
لكنه ليس نصر مطلق بلا رتوش
تكبدنا خسائر كما كبدناهم
و سقط لنا قتلي مساوين لما سقط منهم تقريبا
و لكن بما كان في أيدينا فتحنا الطريق بالقوة كي نسترد ما لنا بالتفاوض
و للعلم أنا أعشق تراب هذا البلد
و أفخر بكوني مصري
و أتفاخر بلحظات المجد في تاريخ بلدي
لكن أتفاخر بما هو واقع و مؤكد فقط
و الواقع يقول أن إسرائيل لو كانت قد ضربت عمق مصر في حرب 1973
لم يكن يكن لدينا أي شئ يمكننا من الرد وقتها
كان دورنا فقط سيقتصر علي إمتصاص الضربات