تحذير وتساؤل لاعضائنا الكرام

[مورو]

المشاركة الأصلية كتبت بواسطة legion

في بعض ملامح بتقول إن تصرفات الشرطة هتتجه نجو إستعادة قلة الأدب بتاعة ما قبل رحيل مبارك
و متفق مع الزميل في إنهم بيحاولوا يرجعوا الدولة البوليسية

إنت ممكن تكون شايل طبنجة صوت و تتفتش في كمين
رغم إن التفتيش بدون إذن نيابة ممنوع بعد إنتهاء قانون الطوارئ
الكارثة بقي في إن الموضوع خاضع تماما لمزاج الضابط
لو حابب يعمل بضميره هيشوف الطبنجة و يعديك
و لو حابب يمارس هواية الشرطة المصرية المفضلة إللي هي قلة الأدب علي خلق الله
هيقبض عليك و يحولك نيابة و الطبنجة تروح طبيب شرعي لمدة حوالي 8 أيام
و طول المدة دي سيادتك مشرف في الحبس

وهو المطلوب مني كمواطن محترم اني اتحبس المده دي واتبهدل وبعد ما اخرج ابقى انسان سوي واحترم الشرطه هههههههههه طب تيجي ازاي انا عن نفسي لو حصل معايا كده هطبق مبدا واحد بس وهو العين بالعين ومش مهم السن والبادئ اظلم يعني زي ما هتبهدل بسبب ظابط مختل انا كمان هزعله جامد اوي وهخليه يبطل افترا على خلق الله

البلد مليانه سلاح الي وبنادق خرطوش وجاين على اللي معاهم مسدسات
صوت دا ايه القرف دا

[LEGION]

المشاركة الأصلية كتبت بواسطة مورو

وهو المطلوب مني كمواطن محترم اني اتحبس المده دي واتبهدل وبعد ما اخرج ابقى انسان سوي واحترم الشرطه هههههههههه طب تيجي ازاي انا عن نفسي لو حصل معايا كده هطبق مبدا واحد بس وهو العين بالعين ومش مهم السن والبادئ اظلم يعني زي ما هتبهدل بسبب ظابط مختل انا كمان هزعله جامد اوي وهخليه يبطل افترا على خلق الله

البلد مليانه سلاح الي وبنادق خرطوش وجاين على اللي معاهم مسدسات
صوت دا ايه القرف دا

للأسف القوانين المحنطة تسمح له بحبسك بطبنجة صوت
فقط عليه أن يضع جملة واحدة في المحضر
( إشتباه في سلاح ناري )
أو
( إشتباه في محدث صوت معدل )
و 15 يوم علي ما التقرير يطلع
و سيادتك جوا مع سلومة الأقرع و برعي سن الفيل في التخشيبة

للأسف قوانين وطننا الحبيب مصر

[adel152]

المشاركة الأصلية كتبت بواسطة legion

للأسف القوانين المحنطة تسمح له بحبسك بطبنجة صوت
فقط عليه أن يضع جملة واحدة في المحضر
( إشتباه في سلاح ناري )
أو
( إشتباه في محدث صوت معدل )
و 15 يوم علي ما التقرير يطلع
و سيادتك جوا مع سلومة الأقرع و برعي سن الفيل في التخشيبة

للأسف قوانين وطننا الحبيب مصر

كلام حضرتك سليم %100 ياباشا.
والافضل تمشى فى طريقك عدل يحتار القانون المحنط فيك.

فيه نقطة بسيطة أحب أوضحها للجميع ان جميع نقط وكمائن التفتيش الموجودة بين المحافظات لها الحق فى التفتيش قانونا (هذه النقط والكمائن تسمى بالنقط والكمائن الحدودية) ودائما توجد فى الحدود ما بين محافظة وأخرى. وللعلم هذه الكمائن يمكن وجودها داخل المدن مثل الكمائن التى تفصل بين محافظتى الجيزة والقاهرة (وعلى ماأعتقد توجد هذه الكمائن فى الطريق الدائرى).

بصوا ياجماعة ياريت نتكلم بالعقل شوية. لو لسه فيه أى حد حاليا فاكر ان مسدس الصوت ممكن يحميه فى الوقت الحالى فأكيد غلطان %100. بالعكس ده ممكن يكون سبب لا قدر الله فى موته. أغلب الناس الخارجين على القانون يحملون اسلحة حية. يعنى لو حد حاول يثبتك وانت طلعت مسدسك الصوت علشان تخوفه اكيد هيضرب عليك بمسدسه الحى لأنه هيفتكر انك معاك سلاح حى. لكن بنسبة كبيرة لو مافيش سلاح معاك هياخد اللى هو عايزه منك ويسيبك ويمشى.
يبقى بلاش نضع انفسنا فى مواقف ليس لها أى لازمة سواء مع الشرطة أو مع الخارجين على القانون.
دى وجهة نظرى الشخصية اللى انا مقتنع بيها وكتبتها كنصيحة للجميع.
ولكم كامل الحرية فى الاخذ بها او الاختلاف معها.
ربنا يسترها على الجميع.
خالص تحياتى.