طلب تسعير بندقية مستعملة..

[Consul]

المشاركة الأصلية كتبت بواسطة whatzup

ياباشا انا متشكر جدا علي الرد.... انا ما استحقش كل الاهتمام دة من سيادتك...

هي الفكرة ان انا عايز اشتري حاجة جديدة وهاي بور
بس انا قريت في المنتدي كتير واقتنعت ان انا لازم اخد السلم من اولة...
يعني لازم اعدي علي العادية الاول واتعلم النشان من غير منظار....
وبالمرة اكتسب خبرة في طرق الصيانة للبندقية.. وانواع الطيور ومواسمها...
فالخطة دلوقتي ان انا اشتري ال b3-2 المستعملة دي اتعلم عليها وبعد كدة اجيب واحدة في حدود 2500 تكون هاي بور ومنظار....
وتبقي ال b3-2 معايا زيادة......


الحاجة اللي انا بفكر فيها دلوقتي... هل الهاي بور تغني عن العادية تماما ؟؟؟؟؟
ولا هاحتاج العادية بردة حتي بعد ما اشتري الهاي بور؟؟؟؟؟

العفو أخي الحبيب...أنا آسف إني مقصر معاك...أنت تستاهل إهتمام أكثر من هذا...وكان المفروض أرد عليك بإستفاضه...ولكن للأسف بالي مش رايق ومش قادر أركز معاك ومع باقي الأخوة الأعزاء...بصراحة حزين وزعلان فعلا ومش عاجبني إللي بيحصل على المنتدي...ربنا يستر علينا وعلى منتدانا...المهم نيجي لموضوعك...كمعلومة صغيرة وهامة...الهاي باور لن تغنيك عن البندقية المتوسطة القوة...الهاي باور للأهداف الخاصة والصعبة والبعيدة...وستجد أن معظم إستعمالك للبندقية المتوسطة القوة...في الحالات العادية يكون أغلب صيدك على مسافات 10-20 متر ولا تحتاج في هذه المسافات لهاي باور حتي لا تسرق الطير أو تهرتكه...لكل مقام مقال...ولكل ظروف صيد البندقية ا لتي تصلح له وكذلك نوع الرش المفضل والمناسب له...ليست القوة المفرطة مطلوبة طول الوقت...وأكرر نصيحتي مرة أخري لا تشتري صيني أو مصري مستعمل...إشتريها جديدة بخيرها وتعلم وتدرب عليها بطريقة صحيحة حتي تحببك في الهواية وتحصل منها على نتائج مرضية ومقبولة...ولا تبدأ من أولها في صيانة وإصلاحات وتصرف عليها مثل ثمنها جديدة وتشعر من داخلك بعدم الرضى عنها كونها قديمة ومستعملة وأنها غير مظبوطة وتأتي بنتئاج غير مرضية وغير مقبولة وتشكك في نفسك وفي قدراتك...هذا رأيي وهذه وجهة نظري وعن تجربة ومن الآخر...فإستفد وتعلم من تجاربنا وخبراتنا...وإبدأ من حيث إنتهينا...ولا تبدأ من حيث بدأنا...الإختيار إختيارك...وأنت صاحب القرار...خالص تحياتي...