مش لاقي البام 22

[BASiC]

المشاركة الأصلية كتبت بواسطة adel152

أستاذ basic
رأيى تصبر شوية لأن فى أحساس ببعض الأستقرارحاليا لو الحالة دى استمرت خاصة بعد يوم 19 اى بعد الاستفتاء أعتقد الأولوية التانية بعد الامن هو الأقتصاد وده معناه فتح الاستيراد أن شاء الله حتى تتحرك حركة العمل فى البلد.
الشئ التانى ان فى ناس كتير جدا اشتروا مسدسات صوت وبنادق رش للحماية مش لهواية الصيد وأول ما الناس دى تحس بأستقرار أمنى كتير منهم حيعرض البنادق دى للبيع وحتكون بأسعار كويسة لأنها مالهاش لازمه عنده.
تقبل مرورى
وخالص تحياتى

شكرا ليك أ / عادل
فعلا في ناس كتير اشترو في الفترة اللي فاتت واتنصب عليهم في أسعار خيالية ..... وطبعا لو باعو هيبيعو بالسعر الفعلي .....
بس انا لما سألت على السعر قبل وبعد الثورة لقيتو 1800 جنيه يعني متغيرش .......
سؤال : هوة فتح الاستيراد معناه ان أي حد ممكن يجيب بنادق ولا برضو التجار بس اللي معاهم رخصة ...؟؟؟؟

[dr mohamed kamal]

أخى العزيز ,من واقع خبرتى بالجمارك ,ممكن أى شخص يستورد أى حاجه بشرط أن يكون مسموح بإسترادها و تكون للإستعمال الشخصى {أى قطعة واحده فقط} فى العام وهذا لايتطلب موافقات إسترادية من وزارة التجارة الخارجية,تحياتى

[BASiC]

المشاركة الأصلية كتبت بواسطة dr mohamed kamal

أخى العزيز ,من واقع خبرتى بالجمارك ,ممكن أى شخص يستورد أى حاجه بشرط أن يكون مسموح بإسترادها و تكون للإستعمال الشخصى {أى قطعة واحده فقط} فى العام وهذا لايتطلب موافقات إسترادية من وزارة التجارة الخارجية,تحياتى

ذ / محمد كمال شكرا لردك
لاكن فيه ناس كانت عايزة تدخل بنادق رش لمصر وبسبب منعها كانو بيدخلوها مفككة عشان متتمسكش ......... وكمان فيه موضوع كان معمول كان جايب مقالة عن احباط محاولة تهريب بنادق رش ......!!! هية دي مخدرات .....!!!
يعني بناء على كلام حضرتك أنا لو جبت بندقية من بره عن طريق أي شركة شحن زي dhl. مثلا هتوصل البندقية عادي وهدفع رسوم الشحن والجمارك وهتوصلني البندقية ولا هيقولولي العصفورة طارت مع الجمارك في التفتيش .
وسؤال بسبط كمان ممكن أعرف بنادق الرش دي من اني شريحة في الجمارك (يعني جماركها كام في المية )
وشكرا