كرال واسكوب وكشفات

[صابر]

المشاركة الأصلية كتبت بواسطة ابومسلم2005

انتو عارفين ايه الحاجة الغلط السعر
سعر البندقية جديدة فيبر رماية عند اكثر من تاجر يتراوح مابين 1500 الى 2000
وان كان السكوب فعلا راكب غلط بس عشان انا عارف ان الصخرة مش صياد ومركبه للعرض بس فده مكنش المقصود
واحلى تقييييييييييييم لكل من شارك في الكلام

طيب مش اشتريتها ليه لما هي رخيصة كده ؟
كلنا عارفين إن الكرال مشاكلها كثير وخامتها سيئة وعايزة خبير صيانة
ومركونة عند التجار محدش بيشتريها بعد نزول سعر شبيهتها الشادو الأسباني لـ 2100

[هشام سمير]

المشاركة الأصلية كتبت بواسطة صابر

طيب مش اشتريتها ليه لما هي رخيصة كده ؟
كلنا عارفين إن الكرال مشاكلها كثير وخامتها سيئة وعايزة خبير صيانة
ومركونة عند التجار محدش بيشتريها بعد نزول سعر شبيهتها الشادو الأسباني لـ 2100

مين ضحك عليك وقالك كده مفيش حاجه بتتركن والكرال بندقيه مش وحشه

[صابر]

المشاركة الأصلية كتبت بواسطة هشام سمير

مين ضحك عليك وقالك كده مفيش حاجه بتتركن والكرال بندقيه مش وحشه

والله أنت أدري بالسوق، أنا بتكلم في حدود معارفي إللي اشتروا الكرال ، وللأمانة واحد منهم شغالة معاه كويس بعد 3000 رشة، لكن الباقين اتجننو بجد منها
واحد مهم كتب الموضوع ده في أحد المنتديات

هنا سنبدا بمقارنه بين البندقيه الكرال التركى والزوجه المصرية
وهذا ليس بمقياس على كل البنادق الكرال ولكن الغالب منهم كما انه ايضا ليس بمقياس على كل الزوجات المصريات ولكن الغالب منهن

الجمال - جمال البندقيه الكرال عندما تنظر اليها من بعيد تتمناها وتتمنى ان تنظر الى الوانها البراقه الجميله قد تستهويك السمراء ذات الدبشك الفيبر او البنى او الرصاصى اووووو وعندما تقترب منها تجده جمال ظاهر على فبر مجوف وانظر الى جمال الزوجه المصريه التى اجادت كل فنون التذين والمكياج عند خروجها وهى لا تجعل لزوجها نصيب من الزينه فهذه الزوجه قد تستهويك ان تتمناها وتتمنا ان تنظر الى الوان زينتها البراقه وهى بالنسبه الى زوجها لاقيمه لها عنده
الصوت - صوت البندقيه الكرال عالى جدا وعند الخروج بها والضرب ستسمع كل الطيور صوت اكبر عدو لهم
الزوجه المصريه عندما تناقشها فى امر لا ترغبه اوطلب لاتنفذة اعلم انه سيسمع صوتها القاصى والدانى حتو ولو كنت مغلق جميع الابواب
البندقيه الكرال مصاريفها كتيره انت اول ما تشتريها تروح جرى تشترى سوسته وجلبه واول ما تطلع بيها مصاريفها بتكتر لان مشاكلها كتيره ويدوبك تخلص من مشكله تدخل على طول فى البعده واللى بعدهههه
الزوجه المصرىة انا مش هقول من اول الخطوبه مصاريفها بتكون ازاى يابت قليلو يجبلك تايير يابت قليلو يجبلك جزمه بيضة يابت قليلووووو اه يا نفوووخى لا يا سيدى دا بعد الجواز كمان كل سنه وانتو طيبيين بمناسبه عيد الفطر ومين اللى زوجته مش طلبت منه ثمن سجادة تفرشها فى الحته الفلانيه او تجديد فرش الانتريه اللى يدوبك لسه متغير قريب او يغير الانتريه على بعضه اللى خلاص شكله معتشى عاجبها او يغير اوضة النوم علشان العيال كسروا الأزاز انت مش شايق ابواب الدولاب معدتشى بتقفل ازاى دا فلانه اللى متجوزه بعدنا الله يسترها معاه جوزها غيرلها اوضه النوم ودهنلها الشقه وغيرلها الانتريه كمان واشترالها تلاجه اديال كبيره وبتجاز ستالس كبير وانت خليك دفنا هنا معاك فى التربه بتعتك اللى انت مسميها شقه هأ شقه قال انت مش هتجيب فلوس عشان اعمل كعك وبسكوت واللى انت عاوز العيال يبصوا على بسكوت ولاد عمهم دا انا يدوب هعمل عشره خمسطاشر كيلو كعك وعشره عشرين كيلو بسكوت خلى العيال ياكلو وينبسطوا خلاص لا لسه انت ناسى هدوم العيال واللى الجزم اه انت نايم مش حاسس ان الاسعار عادت نار دا فستان البت المفعوصه دى

مش اقل من تلتميت جنيه

شوف بقا الواد الشحط واخوه هخشوا فى كام

بس كده لأهو انت ناسى حلويات وشيكولاتات العيد والسودانى والترمس واللى انت عايز اللى يدخل يعيد علينا يلاقى البيت خرابه مش كفايه احنا مستحملين ليه نظلم الناس اللى جايه تعيد علينا بس كده ليه هو انت مش هتجيبلك حاجه تلبسها فى العيد مش عاووووووز مش عاووووز مش عاووووز اه يا نفوخخخخخى

الموضوع على سبيل الدعابه والفرح وهو بمناسبه التخلص من البندقيه الكرال اعاذنى الله منها

[هشام سمير]

المشاركة الأصلية كتبت بواسطة صابر

والله أنت أدري بالسوق، أنا بتكلم في حدود معارفي إللي اشتروا الكرال ، وللأمانة واحد منهم شغالة معاه كويس بعد 3000 رشة، لكن الباقين اتجننو بجد منها
واحد مهم كتب الموضوع ده في أحد المنتديات

التعميم دائما خطا
بس سيبك انتا الراجل صاحب الموضوع دا دمه خفيف والله

[الصخره]

المشاركة الأصلية كتبت بواسطة هشام سمير

التعميم دائما خطا
بس سيبك انتا الراجل صاحب الموضوع دا دمه خفيف والله

تسلم يا استاذ سمير ده بس من زوق حضرتك والللهى ربنااا يبرك فى حضرتك يا رب