هل ممكن أشترى مسدس حى بدون مايكون عندى ترخيص ؟

[عاطف الشاذلى]

اخى الفاضل
اولا . نظرة حضرتك متشائمة وناقمة ومبالغ فيها بعض الشئ لان مصر فيها قانون مش زى ما بتقول ومش هقوللك اننا فى المدينة الفاضلة لأ القانون فيه سلبيات كتير لكن ليس بهذا القدر من السؤ
ثانيا . انت بتقول عايز تحمى نفسك من البلطجية طيب يا سيدى لو وفرنالك اللى انت عايزه و اتعرضلك بلطجى هتعمل معاه ايه ؟؟؟ هتديله طلقة تجيب اجله ؟؟؟ اؤكدلك انك مش هتعمل كدة حتى لو سلاحك مرخص واى انسان سوى يحمل سلاح لو اتعرض للموقف ده كبيره هيضرب طلقتين فى الهوا او فى اتجاه البلطجى بدون ما يصيبه لانه عارف يعنى ايه قتل النفس حتى لو كانت نفس بلطجى ،ومسدس صوت يعمل ده ببساطة لان البلطجى ما يعرفش انه صوت واول ما هيكتشف انك مسلح تاكد انه هيهرب فورا
ثالثا . سلاح بدون ترخيص واليومين دول بالذات يوديك مكان مش هتحبه ابدا وهتوحشنا قوى
رابعا . المبلغ اللى قلت عليه ما يجيبش مسدس صوت عليه القيمة مش مسدس حى