بعت ايميل لديانا من شوية

[hokaboka]

المشاركة الأصلية كتبت بواسطة aboyassin

السلام عليكم
فكرة ممتازة و لك الشكر عليها.و لدى اقتراح لادارة المنتدى أن تقوم بعمل صفحة تقديم للمنتدى باللغة الانجليزية تحتوى على أقسامه و عدد المشاركين فيه و كمبة المشاركات. بحيث يمكننا مخاطبة الشركات الكبرى كديانا كجماعة لا فرادى و الحصول على خصومات خاصة و مزايا نظير عرض إعلاناتها على منتدانا. و سوف تكون هذه الطريقة و إمكانية توصيل أصواتنا لهذه الشركات بإذن الله أثر فى تخفيض هوامش ربح التجار الذين يستغلون احتكارهم لهذه السلع مقابل الانتشار الذى ستحققه هذه الشركات من جراء مشاركتها بمنتديات عشاق هواية الصيد. خاصة و أن أسعار البنادق فى مصر تزيد كثيرا عن مثيلاتها فى أوروبا و أمريكا مع التباين الكبير فى مستوى المعيشة.
مرفوع للعرض على إدارة المنتدى للنظر و إبداء الرأى.
مع الشكر.

فكرة عبقرية ولازم تكون لينا وقفة مع جشع التجار وبصراحة احنا قدامنا عدة حلول بس عمرنا ما حاولنا وهي في كالاتي:

1. الكتابة للشركات العالمية وعرض الموقف في مصر عليهم وطلب انهم يتدخلوا لحماية عملائهم في مصر؛

2. وممكن نشترك ونفتح احنا محل جديد تبع المنتدي براس مال بسيط ونعامل الناس كويس ونبيع بما يرضي الله واكيد حنكسب ثقة الناس اللي بره لان التوكيلات في مصر بصراحة زبالة وسؤ معاملة وبضاعة مخزنة واسعار خيال علمي؛

3. التوجة للاجهزة الرقابية في مصر للرقابة علي اسواق محلات السلاح وخاصة جهاز حماية المستهلك وجهاز مكافحة الممارسات الاحتكارية وممكن الموضوع نصعدة علي المحلات دي بشكل مباشر واكتر عن طريق رفع قضايا غش تجاري وخلافه.

4. غنشاء مجتمع حقيقي للمنتدي ده بحيث يكون فيه ستيكر او بادج يقدم خصومات وخلافة في المحلات الكبري بحيث يكون الانضمام للمجتمع بتاع المنتدي ده معناه انك واحد فاهم مش حتتخم وواخد نصائح قد كده قبل ما تتحرك.

الامر مرفوع لادارة المنتدي لوضع خطط التحرك