اجراءات ترخيص سلاح حي؟

[mero1x]

بص يا باشا
اولاً لازم تعرف ان فى اخر 3 سنوات التراخيص الحية شبة مستحيلة لأن السادة بتوع امن الدولة وقسم السلاح التابع للمباحث فى جميع الاقسام مش عايزيين وجع دماغ فقالو بدل مندى موافقات على تراخيص اسلحة نارية وتحصل جريمة قتل ونقعد ندور على القاتل والسلاح المستعمل احنا منديش ترخيص احسن لا والاظرف من كدا انهم مجددوش التراخيص القديمة لبعض الناس لعدم كفاية المبررات....
عموماً خلى بالك من كلمة المبررات دى لأن دة اساس الترخيص الحى

اهم شرطين من شروط الترخيص

1- عدم الحكم عليك بعقوبة سالبة للحرية (السجن) لأرتكابك جريمة طبعاً غير جرائم الشرف
2- تقديم مبررات كافية لقسم السلاح فى المباحث الى تابع ليها لتقوم بدورها للنظر فيها وتحويلها لأمن الدولة للموافقة عليها من عدمة . (عدمة) اكيد

المبررات الشائعة اللى بتاخد ترخيص على اساسها اما
امتلاكك مزرعة مثلا او نشاط تجارى فى حتة مقطوعة
او
تنقلك بمبالغ مالية كبيرة بردو ف حتة مقطوعة

اما لو كنت ضابط جيش او شرطة او وكيل نيابة عامة او ادارية او على درجة مدير عام او وكيل وزارة فالترخيص بتطلعوا بسهولة
اما لو كنت لواء جيش او شرطة او وكيل وزارة فأنت ليك الحق تعمل محل سلاح وتاخد موافقة علية
معلش ايدى وجعتنى من الكتابة هرد على باقى استفساراتك بعدين والسلام عليكم
امير سعد