فتح الترخيص للحي

[heckler]

المشاركة الأصلية كتبت بواسطة amr aly

حق ألدفاع الشرعي عن النفس مكفول و هذا ما اكده رئيس الوزرأ و بيان المجلس بتاريخ التاسع من مارس و أرجو دعم الجروب للمطالبه بحقنا المسلوب كمواطنين شرفأ و تفعيل الترخيص و تقنينه ككافه الدول الديمقراطيه في 2011 و خاصه في ظل الواقع الأمني الحالي بمصر و ظاهره البلطجه و السرقع و الأغتصاب مع ظاهره الأنتشار الواسع للسلاح بانواعه المسروق و المهرب و الذي سيظل يشكل تهديد للأمن العام حتي مع العوده التدريجيه للشرطه فلابد من فتح باب الترخيص للمواطنين الشرفاء الذين لولا جهودهم الوطنيه في اللجان الشعبيه لكانت مصر الآن في وضع مختلف تماما و اجهضت اهداف الثوره و وقعنا في فوضي شامله و لاكن لا يعقل ان تكون العصابات و البلطجيه مسلحين باسلحه آليه و نتصدي لهم للدفاع عن النفس و الممتلكات بعصا خشبيه و بايدينا الخاليه لأننا نحترم القانون الذي يجرم حمل سلاح ناري او ابيض بدون ترخيص و بما ان قانون الطواريء لم يستطيع منع هذه الفوضي و الأنفلات الأمني و ثورة الشباب ضد النظام السابق فما بالكم بحق مشروع اعلن و تحدث عنه النظام الحالي و نحن بالتالي يجب ان نطالب بحقنا المسلوب و الشرعي في الدفاع عن النفس و العرض و نطالب بتفعيل الترخيص و التقنين لكل مواطن شريف قادر و واعي لمسئوليه و خطوره حمل السلاح و ان يكون ذلك بضوابط تدعم الأمن العام و تساعد الشرطه في تحقيق امن المواطن و الوطن حيث ان البلطجيه و المجرمين لا ينقصهم السلاح الناري بمختلف انواعه و لا يحتاجون ترخيص اساسا في حين ان فتح باب الترخيص يشكل ايضا توازن و رادع للبلطجه و يحد من التجاره الغير مشروعه في الأسلحه المهربه و المسروقه و التي يصعب تعقبها في ارتكاب الجرائم فيجب ان نبدأ من اللآن في هذا المطلب المشروع حتي نتمكن من تحقيقه في اقرب وقت ممكن مع عودة الشرطه و الغاء حالة الطواريء حتي نعيد معا مصر آمنه كما اعتدناها جميعا , شكرا علي مساهماتكم الفعاله لتحقيق هذا الهدف و عدم فتور الحماس حتي التفعيل لأن استعادة الأمن هو بدايه الطريق للأستقرار و التنميه و ارجو من القوات المسلحه و الشرطه مساعدتنا في حق الدفاع الشرعي عن النفس فمصر بها خير جند الأرض القادرين علي العبور معا جميعا لأعاده بنأ مصر مع عودة الأمن للمواطن و الله الموفق و هو خير حافظا

انت اعطتنى احساس من كلامك أن شعب مصر مبقاش ناقصه حاجة إلا السلاح ، طيب فين الوظيفة فين الشقق فين المرتب الكويس لحياة كريمة ، تحقيق هذا كله هو ما سوف يحقق الامن والامان لنا ، اما موضوع انه من حقنا ترخيص سلاح فهذا كلام لايوافق عليه اى عاقل فى الوقت الحالى ، خطورة البلطجية اقوى الف مرة من مليون سلاح معاك ، بل ان حملك سلاح حاليا يعرضك لخطورة لايعلم مدها إلا الله ، حق الدفاع الشرعى مكفول بالقانون قبل السلاح اذا انصلح حال مصر اولا وكل واحد اخد حقه فيها ، اعذرنى لو كان كلامى يضيقك لكن ديه الحقيقة .

[أميجو]

المشاركة الأصلية كتبت بواسطة heckler

انت اعطتنى احساس من كلامك أن شعب مصر مبقاش ناقصه حاجة إلا السلاح ، طيب فين الوظيفة فين الشقق فين المرتب الكويس لحياة كريمة ، تحقيق هذا كله هو ما سوف يحقق الامن والامان لنا ، اما موضوع انه من حقنا ترخيص سلاح فهذا كلام لايوافق عليه اى عاقل فى الوقت الحالى ، خطورة البلطجية اقوى الف مرة من مليون سلاح معاك ، بل ان حملك سلاح حاليا يعرضك لخطورة لايعلم مدها إلا الله ، حق الدفاع الشرعى مكفول بالقانون قبل السلاح اذا انصلح حال مصر اولا وكل واحد اخد حقه فيها ، اعذرنى لو كان كلامى يضيقك لكن ديه الحقيقة .

هو سؤال بسيط للأخ / heckler
هو سعادتك فاكر ان مجموعه من هواة الصيد والاسلحة وهى هواية مكلفه جدا هيكون مبيشتغلوش او معندهمش شقق او مرتبهم مش كويس .... أمال هنصرف على هوايتنا منين ؟
وبعدين هو السلاح لو مش وقته الان أمال نجيبه فى أيام الامن و الداخليه موجوده ؟؟؟
ياريت تفكر قبل الهجوم والاندفاع فى الرد .
تريث أخى قليلا .

[heckler]

المشاركة الأصلية كتبت بواسطة أميجو

هو سؤال بسيط للأخ / heckler
هو سعادتك فاكر ان مجموعه من هواة الصيد والاسلحة وهى هواية مكلفه جدا هيكون مبيشتغلوش او معندهمش شقق او مرتبهم مش كويس .... أمال هنصرف على هوايتنا منين ؟
وبعدين هو السلاح لو مش وقته الان أمال نجيبه فى أيام الامن و الداخليه موجوده ؟؟؟
ياريت تفكر قبل الهجوم والاندفاع فى الرد .
تريث أخى قليلا .

اخى العزيز اعلم انه فى شباب كثير بابا وماما بيصرفوا عليهم ، ولديهم وقت فراغ كثير ومعاهم فلوس كثير ، فلازم يكون ده تفكيرهم بكل تأكيد ومش ناقصه الا السلاح يتمنظر به وسط الناس ، ورجائى لك افرأ رسالتى جيدا قبل ما ترد بتسرع ، رسالتى مضمونها للشباب الجاد اللى عاوز يبنى واللى بيتسلح بالعلم لبناء مصرنا الحبيبة .
تحياتى

[AMR ALY]

يا استاذ هيكلر انا كنت قريت لك مشاركه كان نصها هو:نعــــــــــــم ، ولكن محتاج لنصيحة بالنسبة للمبتدأ ، ايهما اشترى البريتا m9fs ام الحلوان 920 انا شفت الاثنين على النت ، طبعا البريتا شكلها اصل الحلوان ، لكن الناحية العملية لا اعرف ، برجاء افادتى...

يا تري اشتريت و لا لسه بتحاول في الرخصه؟ ارجو لك السلامه و شكرا علي المشاركه

[osha966]

[QUOTE=heckler;66743]اخى العزيز اعلم انه فى شباب كثير بابا وماما بيصرفوا عليهم ، ولديهم وقت فراغ كثير ومعاهم فلوس كثير ، فلازم يكون ده تفكيرهم بكل تأكيد ومش ناقصه الا السلاح يتمنظر به وسط الناس ، ورجائى لك افرأ رسالتى جيدا قبل ما ترد بتسرع ، رسالتى مضمونها للشباب الجاد اللى عاوز يبنى واللى بيتسلح بالعلم لبناء مصرنا الحبيبة .
تحياتى [/Q

مع احترامى لك أخ هكلر كلامك مش صحيح 100% أنت فاكر كل المشاركين شباب صغير ولا ايه . معظم الناس هنا فوق الثلاثين وناس ناجحة ولها أعمالها واملاكها وعائلاتها..والبعض تخطى الخمسين من عمره..الموضوع مش منظرة ..دا مايمنعش ان البعض عايزها منظرة..بس دا مش هيكونله الحق طبعا.وممكن يكون أحد الأعضاء الشبا الصغير عايز والده مثلا يرخص سلاح أو أخوه الكبير مش شرط هو. وبعدين أنا ملاحظ اتجاه غريب شوية فى ..وهو أن الناس المعاها ترخيص مش عايزة غيرها ييحصل على رخص عشان يبقى هو متميز. ودى هيا المنظرة بعينها !!!!.

[AMR ALY]

خلينا نقول حق قانوني و ليس دستوري ايه علاقه ده بموضوع "بابا و ماما" كما ذكره الأستاذ هيكلر و من منطقه ان الناس عندها مشاكل مش ناقصه الا الرخصه بينما هو اغلب مشاركاته عن "شراء" و حيره في الأختيار بين انواع البريتا ؟ يعني زي ما هو بيفكر انه يحمي نفسه فبنفس المنطق من حقي اني اقدم علي رخصه طالما مستوفي الشروط القانونيه و من ثم يتم القبول او الرفض المشكله انه لسه جديد في المنتدي و لم يلاحظ كم المواضيع الأخري الغير قانونيه التي تتكلم عن تعديل الصوت مثلا و هو شيء مرفوض و غير قانوني مثلهه كالسلاح بدون رخصه و المنتشر كما ذكرت اخي الفاضل و يبقي التناقض واضحا لمن يري

[osha966]

المشاركة الأصلية كتبت بواسطة amr aly

خلينا نقول حق قانوني و ليس دستوري ايه علاقه ده بموضوع "بابا و ماما" كما ذكره الأستاذ هيكلر و من منطقه ان الناس عندها مشاكل مش ناقصه الا الرخصه بينما هو اغلب مشاركاته عن "شراء" و حيره في الأختيار بين انواع البريتا ؟ يعني زي ما هو بيفكر انه يحمي نفسه فبنفس المنطق من حقي اني اقدم علي رخصه طالما مستوفي الشروط القانونيه و من ثم يتم القبول او الرفض المشكله انه لسه جديد في المنتدي و لم يلاحظ كم المواضيع الأخري الغير قانونيه التي تتكلم عن تعديل الصوت مثلا و هو شيء مرفوض و غير قانوني مثلهه كالسلاح بدون رخصه و المنتشر كما ذكرت اخي الفاضل و يبقي التناقض واضحا لمن يري

هى دى مشكلة المصريين يا عمرو .كل واحد بيفكر فى نفسه فقط وعايز يتميز عنهم ومش مهم الباقى..!!!تفكير غريب يحتاج مراجعة.. ..

[said ali]

المشاركة الأصلية كتبت بواسطة heckler

اخى العزيز اعلم انه فى شباب كثير بابا وماما بيصرفوا عليهم ، ولديهم وقت فراغ كثير ومعاهم فلوس كثير ، فلازم يكون ده تفكيرهم بكل تأكيد ومش ناقصه الا السلاح يتمنظر به وسط الناس ، ورجائى لك افرأ رسالتى جيدا قبل ما ترد بتسرع ، رسالتى مضمونها للشباب الجاد اللى عاوز يبنى واللى بيتسلح بالعلم لبناء مصرنا الحبيبة .
تحياتى

اخى الكريم


يعنى كل اللى عايز يرخص
يتجط فى زمره شباب بابا وماما؟؟؟؟؟؟؟؟
!!!!!!!!!!!!!!!!!!!!!!!!!!!!!!!!!!1

طيب ايه زبب الناس الكبار العاقلين المحترمين؟
اللى بيتسبتو فى الشوارع
ويتهانو من بعض المتشردين ويؤخد ما معهم
ويرجعو البيت وقد وصل بهم الحال الى اليأس من الحياه
بعد ان يوضعو فى هذا الموقف
ولم يستطيعوا ان يحمو انفسهم من شرزمه من هؤلاء!!!!!
امن الحق ان نضع هؤلاء فى قائمه بابا وماما؟؟؟؟؟؟

[said ali]

المشاركة الأصلية كتبت بواسطة heckler

انت اعطتنى احساس من كلامك أن شعب مصر مبقاش ناقصه حاجة إلا السلاح ، طيب فين الوظيفة فين الشقق فين المرتب الكويس لحياة كريمة ، تحقيق هذا كله هو ما سوف يحقق الامن والامان لنا ، اما موضوع انه من حقنا ترخيص سلاح فهذا كلام لايوافق عليه اى عاقل فى الوقت الحالى ، خطورة البلطجية اقوى الف مرة من مليون سلاح معاك ، بل ان حملك سلاح حاليا يعرضك لخطورة لايعلم مدها إلا الله ، حق الدفاع الشرعى مكفول بالقانون قبل السلاح اذا انصلح حال مصر اولا وكل واحد اخد حقه فيها ، اعذرنى لو كان كلامى يضيقك لكن ديه الحقيقة .

اخى الفاضل
حضرتك قولت رأيك فى الموضوع
وفى نهايته قلت ان هذه هى الحقيقه
اليس من المحتمل ان تكون مخطأ فى رأيك؟
فكيف تجزم انه الحقيقه والاصح؟؟؟!!!!

الوظيفه والمرتب والشقه ليسو الامن والامان
انهم السبيل للعيش بكرامه والتمتع بجمال وحلاوه الحياه
ولكن ان توفروا ولم تستطيع حمايتهم من الغوغاء والخارجين
وما اكثرهم الان فكيف يكون الحال؟؟؟
اعتقد ان من ينادون بفتح التراخيص ليسوا هؤلاء
لكنهم اناس محترمون عاقلون
والتراخيص لابد ان يكون لها شروط وقوانين ان توفرت فما المانع؟؟؟؟
نحن لا ننادى بفتحها عالبحرى زى ما بيقولوا!!!!!
وكيف يكفل لنا القانون حق الدفاع عن النفس
بدون سلاح تدافع به عن نفسك؟؟؟
البلطجيه والخارجون يحملون الاسلحه بدون ترخيص!!!!
فكيف ستواجههم؟؟؟
.......
اعضاء مجلس الشعب كانو يحملون الاسلحه الاليه !!!!!!!!
المملوكه للجيش والشرطه وغير مصرح بحملها للافراد نهائيااا
ولا حول ولا قوه الا بالله . فمن اين يحصلون عليها
ولكن عندما يرخص سيكون تحت اعين الحكومه
ومن يملك سلاحا يعرف جيداا انه سيحاسب ان اخطأ فى استخدامه
فلسنا اطفالا اخى الكريم

[محمد احمد العنانى]

النظام الفاسداللةيجحمة مطرح مراح هو ال معقدتراخيص النارى عشان يحتكرو القوة ليهم فقط مع ان التراخيص كان بيتكلف رشوى فقط تصل ل30000 وممتللكات بمليون جنية دا قانون يعجز ومن حقنا كمواطنين كادحين مظلومين الدغاع عن انفسنا واعراضنا فى ظل غياب الشرطة وقلة الجيش وعن حقنا ف الحياة ودة حق مشروع لكل مواطن عاقل بالغ راشد وعلى فكرة السعودية والكويت فتحين الترخيص لكل مواطن سلاح خفيف وبندقيتين للصيد خرطوش طبعا وف منتدياتهم بييعو ويشترو كلاشنكوف جديد ومستعمل وبنادق ضغط الهوا دى عندهم للتدريب للمبتدئين فقط
وعقبلنا ان شاء اللة .