دعوه لمساعده الشرطه المصريه لاداء امنى افضل

[doos99]

المشاركة الأصلية كتبت بواسطة saskon

لأ فيه:
1- مفيش ضابط شرطة يلبس نظارة شمس وهوا بيكلم مواطن
2- ياريت يبقى فيه ابتسامة -بس مش صفراء- للظابط حتى وهو بيدى مخالفة زى الحكم كده لما بيدى انذار وهوا بيبتسم
3- يا ريت نشوف ظباط شرطة بيصلوا باللبس الميرى -مش رياء- لكن علشان الناس تعرف ان ضابط الشرطة انسان متدين زيهم
4- ياريت لو فيه ست كبيرة معدية او راجل كبير وعجوز واقف فى الاشارة ممكن الضابط -وليس العسكرى- يروح بنفسه ياخد الراجل او الست دى ويعديهم بنفسه بعد مايوقف الاشارة بنفسه علشان الناس تعرف ان ضابط الشرطة عنده انسانية ورحمة زيهم.
5- مفيش واحد داخل يرخص عربيته يتعامل مع ضابط الشرطة مباشرة وبأى شكل لأن تخيل حضرتك أنا مثلا مدير فى عملى وتحت ايدى مهندسين و محاسبين ومشرفين وعمال يقوم يجى عليا الزمن واقف طابور فى الشمس امام مكتب البيه وهو قاعد بيحكى مع ضيوف ولا بيشرف فنجان القهوة وييجى مثلا عسكرى يقول ماتقفوا عدل ومش عايزين صوت علشان الباشا بيتكلم فى التليفون او يزعق أو ... كل ده علشان اخد امضاء على الورق علشان الرخصة وطبعا لو فيه فحص بيبقى يوم زحل.
5- كل ضباط الشرطة بالأقسام وخصوصا الديوك الرومى والطواويس المسماة بضباط المباحث يتعملهم اعادة تأهيل نفسى وتدريب على التعامل مع الناس وتعريفهم عن طريق كورسات مكثفة أنهم ليسوا شعب الله المختار ولا أنهم من العرق الأرى.
6- يا ريت يا ريت يا ريت بلاش الحاجات اللى تحرق الدم زى اللى مفيم عربيته او اللى شايل الرقم أو أو ........ وفيه صورة جميلة ياريت تقول تعليقك عليها وللعلم ده عربية كانت راكنة أمام باب مرور العاشر فى المنطقة الغير مصرح بالركن فيها غير للبشوات والباشا مفيم وكمن راشش النمر اسود وكانت العساكر بتعظم للى راكبها.
7- طبعا كل اللى فوق ده المطلوب غير الأشياء التى لا نقاش فيها مثل طهارة اليد وبراءة الذمة والمعاملة الأدمية وعدم الأخذ بالشبهات وعدم التعذيب و ........

اظن ان حضرتك متحامل علينا شويه و لكن اود ان اسئلك سوال اذا كنت تعمل في شركه و الركن امامها ممنوع للناس عموما و لكن بما انك تعمل بها فيكون من حقق تركن قدامها ام لا

[saskon]

المشاركة الأصلية كتبت بواسطة doos99

اظن ان حضرتك متحامل علينا شويه و لكن اود ان اسئلك سوال اذا كنت تعمل في شركه و الركن امامها ممنوع للناس عموما و لكن بما انك تعمل بها فيكون من حقق تركن قدامها ام لا

أعذرنى للتحامل بس اللى انا بقوله قليل من اللى كتير فينا بيشعر بيه ولازم علشان الشرطة تحسن علاقتها بالناس انهم يعرفوا الناس بتتضايق وبتتعب من ايه علشان الاصلاح طبعا اذا كان هناك رغبة حقيقية للاصلاح. أما عن الركن فى الشركة اللتى اعمل بها فأولا لا يسمح نهائيا بالركن الا فى مكان مخصص للركن بالشركة للمديرين فقط ومكان لباقى الموظفين والعملاء ولكن ليس أمام البوبة الرئيسية للشركة. لكن أنا مقصدتش بالركن انى استنكر ركن الضابط اللى كان راكن امام البوابة الرئيسية دى مش المشكلة خالص-على الرغم من انهم من كام سنة هبدونى مخالفة علشان جيت ركنت ورا عربية راكنة ولما سألت ليه قالى " فيه حد يا بيه يركن قدام بوابة ممنوع الركن قولتلوا واللى قدامى قالى هاديله هوا كمان مخالفة ؟؟؟- لكن كنت أقصد انى أأكد انه من الاخوة الضباط من مكان الركنة وتعظيم العساكر والأمناء. بس برده مقولتليش رأيك فى التفييم وكمان تسويد النمر؟ تخيل واحد مفيم عربيته واتسحبت رخصته وقضى يوم زى لون الخروب فى المرور علشان يسترد الرخصة او اللوحات وهو طالع تجيله الفجأة دى: عربية متفيمة ومتسودة النمر وواقفة فى قلب المرور واللى راكبها بيتعظمله!! تفتكر الناحية النفسية والاحساس بالظلم وعدم العدالة والقهر هيكون ازاى؟